Бөтә донъя уфологтар көнө
| Бөтә донъя уфологтар | |
|---|---|
.jpg) Осоусы тәрилкәнең күҙалланған рәсәме, Passaic, New Jersey | |
| Төрө | Рәсми булмаған |
| Дата | 2 июль |
| Байрам саралары | фестивалдәр үткәрелә |
| Бәйле | билдәһеҙ осоусы объекттар менән |
Бөтә донъя уфологтар көнө — паранормаль күренештәрҙе һәм ерҙән ситтә барлыҡҡа килгән объекттарҙы өйрәнеү менән шөғөлләнгән кешеләрҙең һөнәри байрамы. Йыл һайын 2 июлдә билдәләнә.
"Уфология" — инглиз телендә ҡыҫҡартып алынған термин UFO (Unidentified Flying Object). Рус теленә НЛО (неопознанный летающий объект), йәғни билдәһеҙ осоусы объект тип ҡабул ителгән.
Тарихы
Байрам датаһы осраҡлы һайланмаған. Ул 1947 йылда АҠШ-та Булған ваҡиғалар менән бәйле, Нью-мексико штатының сүллегендә Розуэлл тигән бәләкәй ҡаланан алыҫ түгел билдәһеҙ объект ҡолап төшә. Урындағы халыҡ сит планетанан килгән "осоусы тәрилкә" һәләкәткә осраған тип уйлайҙар.[1]
8 июлдә АҠШ-тың Хәрби-һауа көстәренең осоусы тәрилкәне бәреп төшөрөүе тураһында мәҡәлә баҫыла. «Розуэлл янындағы ранчола осоусы тәрилкә һәләкәткә осраған» тигән хәбәр менән сыға бик күр гәзиттәр. Икенсе көндө генерал Рейми радио аша, ҡолаған объект «осоусы диск» түгел, ә радиолокация метеозонды тип был хәбәрҙе кире ҡаға.[2]
АҠШ властары был эш буйынса бөтә мәғлүмәтте шунда уҡ йәшереп ҡалдыра һәм был сит планеталы карап түгел, ә метеорологик зонд тигән мәғлүмәт тарата.
Был нимә булғаны әлегә тиклем билдәһеҙ. Әммә шул ваҡиғаларҙан һуң уфология тарихы башлана.
Байрам итеү
Кешелек донъяһы ике тигеҙ лагерға бүленгән: беренселәре — ерҙән ситтә аҡыллы тормош барлығына ышаныусылар һәм икенселәре — быны бөтөнләй инҡар итеүселәр. Бөтә донъя уфологтар көнөндә Розуэлл ҡалаһында даими рәүештә 200 меңгә тиклем ҡатнашыусыны йыйған фестиваль үтә. Был фестивалдә «сит планеталылар» костюмына кейенеү һәм башҡа махсус экспозициялар ойошторола.[3]
Был көн башҡа илдәрҙә лә билдәләнә.
Иҫкәрмәләр
- ↑ История уфологии началась с событий 1947 года, когда житель маленького городка Розуэлл нашел странные обломки после грозы. sputnik-georgia. Дата обращения: 23 июнь 2024.
- ↑ 2 июля — Всемирный день НЛО. Российская государственная библиотека для слепых. Дата обращения: 23 июнь 2024.
- ↑ Всемирный день НЛО. Дата обращения: 23 июнь 2024.