Власов Александр Васильевич (төҙөүсе)

Гражданлығы	СССР  Рәсәй
Маҡтаулы исемдәре һәм башҡа бүләктәре
Заты	ир-ат
Вафат булған урыны	Өфө, Башҡортостан Республикаhы, Рәсәй
Уҡыу йорто	Пенза дәүләт университеты (1949)
Тыуған көнө	6 ноябрь 1926({{padleft:1926|4|0}}-{{padleft:11|2|0}}-{{padleft:6|2|0}})
Вафат булған көнө	28 февраль 2017({{padleft:2017|4|0}}-{{padleft:2|2|0}}-{{padleft:28|2|0}}) (90 йәш)
Тыуған урыны	Казеевка[d], Петровский уезд[d], Һарытау губернаһы[d], РСФСР, СССР

Власов Александр Васильевич (6 ноябрь 1926 йыл — 28 февраль 2017 йыл) — төҙөлөш производствоһын ойоштороусы. 1968—1978 йылдарҙа Өфөләге 21-се төҙөлөш тресы идарасы. Башҡортостанда бер нисә эре сәнәғәт объекттарын төҙөү менән етәкселек итә. СССР Министрҙар Советы премияһы лауреаты.

Сығышы

Власов Александр Васильевич 1926 йылдың 6 ноябрендә Казеевка ауылында (хәҙер Пенза өлкәһе Пенза районы). Уның атаһы Власов Василий Иванович (1905—1973) — Бөйөк Ватан һуғышы инвалиды. Александр Васильевичтың әсәһе, Власова Мария Кирилловна (1907—1976), хужабикә була.

1944 йылда Александр Пенза ҡалаһының 7-се урта мәктәбен тамамлай.

Профессиональ эшмәкәрлеге йылъяҙмаһы

• 1944—1949: Пенза индустриаль институтында уҡый. Институтты «инженер-төҙөүсе» һөнәре буйынса тамамлай;
• 1949—1953: 21-се төҙөлөш тресының 6-сы төҙөлөш идаралығы прорабы, Өфө ҡалаһы;
• 1953—1955: 21-се трестың 6-сы төҙөлөш участкаһының өлкән прорабы;
• 1955—1957: 6-сы төҙөлөш участкаһының производство бүлеге начальнигы;
• 1957—1958: 6-сы төҙөлөш участкаһының баш инженеры;
• 1958—1961: 6-сы төҙөлөш участкаһының начальнигы;
• 1961—1968: 21-се трестың баш инженеры;
• 1968—1978: 21-се төҙөлөш тресының идарасыһы;
• 1978—1988: Главбашстрой начальнигы урынбаҫары.

Эшмәкәрлек һөҙөмтәләре

А. В. Власов етәкселегендә 21-се трест тарафынан төҙөлгәндәр:

• Өфө синетик спирт заводында (хәҙер — «Өфөоргсинтез» асыҡ акционерҙар йәмғиәте) полиэтилен (1967) һәм фенол (1976) етештереү өсөн ҡулайламалар;
• Яңы-Өфө нефть эшкәртеү заводында каталитик риформингтың һәм дизель яғыулыҡты гидротаҙартыуҙың ҡатнаш ҡулайламаһы (1970);
• (1973) Өфө КПСС-тың 22-сы съезы исемендәге нефть эшкәртеү заводында («Башнефть-Өфөнефтехим») гидрокрекинг урынлаштырыу (1973) ;
• Өфө моторҙар төҙөү заводына төп етештереү корпустары (ОАО «УМПО»; 40.000 м²);
• Өфө моторҙар төҙөү заводының 3-сө майҙансығында бер рәт ҡоролмалар;
• Өфө моторҙар төҙөү заводының «Москвич-412» двигателдәрен сығарыу буйынса етештереүҙең бөтә корпустары;
• ВАЗ автоүҙәге;
• беренсе сиратта Башҡорт биохимкомбинаты;
• Өфө ҡалаһының ТЭЦ-3 һәм ТЭЦ-4;
• Өфө ҡалаһының 3 һыу алыу ҡоролмаһы;
• Өфө ҡалаһының 11, 17, 18 һәм 21-се дауаханалары;
• бер нисә мәктәп, балалар баҡсаһы, торлаҡ йорттар һ. б. объекттар

Власов Александр Васильевич Главбашстрой начальнигы урынбаҫары вазифаһында Байкал- Амур магистраленең Верхнезейск ҡасабаһында төҙөлгән ҡасабалар өсөн яуаплы була, унда башҡорт төҙөүселәре тарафынан торлаҡ секторы һәм инфрастурктура объекттары төҙөлә.

Хеҙмәтте ғилми ойоштороу

А. В. Власов эре производство комплекстарының төҙөлөшө буйынса етәкселектең яңы системаһын эшләй һәм практикаға индерә; уның нигеҙендә график селтәрҙәр ысулы һалына. Улар бөтә производство циклын тулыһынса контролдә тотоуҙы тәьмин итә һәм төҙөлөш барышын күҙалларға мөмкинлек бирә Етәкселек итеүҙә новаторлыҡ алымдарын ҡулланып, 21-се һанлы трест коллективы тармаҡта эш һәм сафҡа индерелгән объекттарҙың күләме буйынса юғары күрһәткестәргә өлгәшә

Танылыуы

Шәхси ҡаҙаныштары

• 1971: Октябрь Революцияһы ордены;
• 1973: Хеҙмәт Ҡыҙыл Байраҡ ордены;
• 1965: «Почёт Билдәһе» ордены;
• 1970: «Маҡтаулы хеҙмәте өсөн. В. И. Лениндың тыуыуына 100 йыллыҡ уңайы менән» миҙалы;
• «Хеҙмәт ветераны» миҙалы;
• 1974: СССР Министрҙар Советы премияһы;
• 1976: Башҡорт АССР-ының атҡаҙанған төҙөүсеһе.

Трест ҡаҙаныштары

• 1976: 21-се Хеҙмәт Ҡыҙыл Байраҡ ордены менән бүләкләнә — етештереү һөҙөмтәлелеген арттырғаны өсөн, микробиология, химия һәм нефть эшкәртеү сәнәғәттәренең ҡеүәттәрен ваҡытынан алда ғәмәлгә индергәне өсөн, юғары сифатлы төҙөлөш-монтаж эштәре өсөн.

Ғаиләһе, буш ваҡыты

Ҡатыны Власова Валентина Васильевна (тыумыштан фамилияһы — Сергеева; 1933 йылда тыуған), инженер — төҙөүсе, ире менән күп йылдар Өфөнөң 21-се тресында бергә эшләй. Ике ҡыҙы ла Башҡорт дәүләт медицина институтын тамамлаған. Власова Наталья Александровна (1956 йылда тыуған) — терапевт, медицина фәндәре докторы, БДМУ профессоры. Власова Татьяна Александровна (1960) — табип-юғары категориялы кардиолог. Ейәнсәре — Иванова Мария Евгеньевна (1980), ӨДНТУ-ны тамамлаған һәм ошо университетта уҡыта. Йәмәғәтселек менән бәйләнеш буйынса белгес, социология фәндәре кандидаты, доцент. Ейәндәре — Ступалов Александр Дмитриевич (1986), шулай уҡ ӨДНТУ тамамлаған, инженер-нефтсе.

Александр Васильевич йәш сағында конькиҙа уҙыш спорты менән мауыҡҡан. Инженер-төҙөүсе. В. Власов ял сәғәттәрендә классик музыка һәм совет композиторҙарының йырҙарын тыңларға ярата. Өлгөрөү йылдарында Александр Васильевичтың төп шөғөлө — тарихи әҙәбиәт уҡыу.

Иҫкәрмәләр

Һылтанмалар

• Пензенский индустриальный институт;
• Власов Александр Васильевич (төҙөүсе) // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 4 ноябрь 2021)
• Власов Александр Васильевич 2019 йылдың 28 февраль көнөндә архивланған. в Свободной энциклопедии Урала.