Земфира
Рамазанова Земфира Тәлғәт ҡыҙы, ижади псевдонимы Земфира (26 август 1976 йыл) — Рәсәйҙең рок-йырсыһы, музыкант, йыр текстарын һәм көйҙәрен яҙыусы, рок жанрындағы ҡатын-ҡыҙ башҡарыусыларҙың иң танылғандарының береһе. Башҡортостан Республикаһының Шәйехзада Бабич исемендәге йәштәр дәүләт премияһы лауреаты (1999).
Биографияһы
Земфира Тәлғәт ҡыҙы Рамазанова 1976 йылдың 26 авгусында Өфөлә тыуған. Атаһы — тарих уҡытыусыһы, әсәһе — табип. Музыка мәктәбен «ҡыҙыл диплом» менән тамамлаған ҡыҙ спортта ла ҡалышмаған — баскетболда ярайһы ҙур уңыштарға өлгәшкән, 1990 йылда Рәсәй ҡыҙҙар йыйылма командаһы капитаны булған. 1998 йылдың башында үҙ төркөмөн булдыра, ә 1999 йылдың майынан алып Рәсәйҙә уның йырҙары яңғырамаған радио ҡалмай.
Ижади эшмәкәрлеге
- «Башинформ» мәғлүмәт агентлығы хәбәр итеүенсә, «Тур-2016» барышында Земфира Өфөлә сығыш яһаясаҡ, уның тыуған ҡалаһындағы һуңғы концерты 2013 йылда булғайны. Илдең ҡайһы ҡалаларына барасағы хаҡында йырсы үҙенең рәсми сайтында белдергән[4].
Земфираның «Маленький человек» тип исемләнгән "Тур-2016"ның Америкалағы һуңғы концерты Лос-Анджелеста була[5].
Дискографияһы
- Номерлы альбомдар
- «Земфира» (1999)
- «Кисер мине минең һөйөү» («Прости меня моя любовь») (2000)
- «Ун дүрт аҙна тынлыҡ» («Четырнадцать недель тишины») (2002)
- «Вендетта» (2005)
- «Рәхмәт» («Спасибо») (2007)
- «Һинең башыңда йәшәргә» («Жить в твоей голове») (2013)
- «Бордерлайн» (2021)
Иҫкәрмәләр
- ↑ Александр Алексеев. Земфира: Я давно не стояла на сцене // Российская газета.год=2010. — Т. 198, № 5277.
- ↑ Zemfira. Allmusic. Мөрәжәғәт итеү датаһы: 21 март 2012. Архивировано 28 май 2012 года.
- ↑ Русский рок. Малая энциклопедия. — Леан-Антао, 2001. — ISBN 5-85929-068-3.
- ↑ «Башинформ» мәғлүмәт агентлығы, 2015, 15 октябрь (рус.)
- ↑ Земфира сфотографировалась с фанатами в Америке.
, 2016, 22 ноябрь (рус.) (Тикшерелеү көнө: 22 ноябрь 2016)
Һылтанмалар
- Сайт ТОРРОР.ru/ Персоны / Земфира 2017 йылдың 25 ғинуар көнөндә архивланған.
- Земфира Талгатовна Рамазанова. Биографическая справка — РИАНОВОСТИ