Золоев Татарҡан Магомет улы
Биографияһы
Татарҡан Магомет улы Золоев 1905 йылдың 17 ноябрендә Терек өлкәһе Волын-Магометан ауылында тыуған.
1934 йылда Рәсәй дәүләт нефть һәм газ институтын тамамлай.
Эш урыны: 1929—1934 йылдарҙа — Эхаби промыслаһында өлкән геолог; 1934—1942 йылдарҙа — «Сахалиннефть» тресында баш геолог; 1942—1963 йылдарҙа — «Туймазынефть» тресының баш геологы; 1963—1965 йылдарҙа — Урта Волга совнархозы идаралығының баш геологы; 1965 йыл — ИГиРГИ лабораторияһы мөдире.
Золоев Татарҡан Магомет улы Башҡорт АССР-ында девон нефтен асыуҙа ҡатнаша, контурҙан тыш һыу индереү юлы менән Туймазы ятҡылығында нефть сығарыуҙы арттырыуын үҙләштерә.
1985 йылдың 15 июлендә Мәскәүҙә вафат була.
Маҡтаулы исемдәре һәм башҡа бүләктәре
- Беренсе дәрәжә Сталин премияһы (1946) — СССР-ҙың көнсығыш райондарында девон нефте ятҡылыҡтарын асыу өсөн
- Ленин ордены (1948)
- Хеҙмәт Ҡыҙыл Байраҡ ордены (1954)
- миҙалдар
- РСФСР-ҙың атҡаҙанған фән һәм техника эшмәкәре (1957)
- СССР-ҙың почетлы нефтсеһе
Һылтанмалар
Энциклопедия Урала 2016 йылдың 9 ноябрь көнөндә архивланған. [1] 2016 йылдың 5 март көнөндә архивланған.