Клявлин Марс Сәлих улы

Марс Сәлих улы Клявлин 1949 йылдың 27 апрелендә Башҡорт АССР-ының Ғафури районы Красноусол ҡасабаһында тыуған.

1966-67 йылдарҙа Өфө приборҙар эшләү производство берекмәһендә эшләй.

1972 йылда Өфө нефть институты технология факультетының «Төп органик синтез технологияһы һәм нефть химияһы» һөнәре буйынса тамамлай. Ошо йылда уҡ нефть институтында уҡытыусы булып эшләй башлай.

1976 йылда Мәскәүҙә Д.Зелинский исемендәге Органик химия институтында Р. А. Караханов етәкселегендә химия фәндәре кандидаты ғилми исемен яҡлауға кандидатлыҡ диссертацияһын яҡлай. 1978 йылда Бөтә союз уйлап табыусылар һәм рационализаторҙар йәмғиәтенең йәштәр премияһы лауреаты булыуға өлгәшә.

1994 йылда химия фәндәре докторы ғилми дәрәжәһенә дәғүә итеү өсөн диссертация яҡлай. 1996 йылда кафедра мөдире итеп тәғәйенләнә.

Фәнни хеҙмәттәре һыуҙың карбонатлы ҡатылығына физик‑химик факторҙарҙың тәьҫирен тикшереү, тәбиғи һыуҙарҙы таҙартыуҙың экологик һәм аҙ сығымлы ысулдарын эшләүгә арналған. Уның етәкселегендә кислород һәм азотлы гетероциклик 1,3‑диоксацикландар рәте берләшмәләренең гомоген‑гетероген синтезы өлкәһендә тикшеренеүҙәр алып барыла^[1].

50-нән ашыу фәнни баҫма авторы, 16 авторлыҡ таныҡлығына эйә. Архитектура-төҙөлөшө факультетының һәм университетың ғилми советтары ағзаһы.