Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Мотоциклдың тыуған көнө

Мотоциклдың тыуған көнө — донъяла мотоцикл һөйөүселәр тарафынан билдәләнгән рәсми булмаған байрам. 29 августа мотоциклды уйлап сығарыуҙы, уның мәҙәниәткә, транспортҡа һәм йәмғиәткә ҙур йоғонтоһон хөрмәтләп билдәләүгә арнала[1].

Тарихы

Мотоцикл XIX быуат аҙағында уйлап сығарылған тип иҫәпләнә. Тәүге мотоцикл тип 1868 йылда француз инженеры Луи-Гийом Перро һәм механик Луи-Мишель тарафынан Бордола эшләнгән парлы ике тәгәрмәсле транспортты атарға мөмкин. Әммә заманса мотоциклдың иң танылған прототибы булып Готлиб Даймлер һәм Вильгельм Майбах тарафынан 1885 йылда уйлап сығарылған мотоцикл һанала. Уларҙың «Reitwagen» тигән ҡоролмаһы ағас велосипедты һәм бер цилиндрлы бензин двигателен берләштергән.[2]

Тәүге мотоциклды эшләүҙең аныҡ датаһы билдәле булмаһа ла, донъяның күп кенә илдәрендә мотоцикл һөйөүселәр 29 август көнөн «Мотоциклдың тыуған көнө» тип билдәләй башлаған. Был дата моторлы ике тәгәрмәсле транспорт саралары дәүере башланыуын символлаштыра.[1]

Байрам саралары

MotoX start.jpg

Мотоциклдың тыуған көнө төрлөсә билдәләнә. Был көндө мотоциклистар күпләп йөрөштәр, күргәҙмәләр, шоуҙар һәм мотоциклдарҙың тарихына һәм үҫешенә бағышланған башҡа саралар ойоштора. Байрам төрлө маркалы һәм моделле мотоциклдар хужалары өсөн тәжрибә уртаҡлашыу һәм аралашыу мөмкинлеген бирә.

Зур ҡалаларҙа, мотоцикл клубтары һәм берләшмәләре күп булған ерҙәрҙә, парадтар һәм хәйриә акциялары үткәрелә. Мәҫәлән, АҠШ-та һәм Европаның ҡайһы бер илдәрендә махсус йөрөштәр ойошторола, уларҙан йыйылған аҡса төрлө фондтарға һәм ойошмаларға ярҙам итеү өсөн йүнәлтелә.[3]

Мәҙәниәткә йоғонтоһо

Мотоцикл транспорт сараһы ғына түгел, ә ирек һәм бойондороҡһоҙлоҡ символына әйләнде. XX быуатта мотоциклдар культ статусына эйә булды, байкерҙар һәм рокерҙар кеүек субкультураларҙың мөһим өлөшөнә әйләнде. Мотоциклдар тураһында бик күп фильмдар, китаптар һәм музыкаль әҫәрҙәр ижад ителде, был уларҙың масса мәҙәниәтенә йоғонтоһон тағы ла арттырҙы[4].

Йомғаҡ

Мотоциклдың тыуған көнө — ике тәгәрмәсле транспорт сараларына ғашиҡ кешеләрҙе берләштергән байрам. Ул техник яңылыҡтың транспорт һәм индустрия үҫешендәге мөһимлеген иҫкә төшөрә. Мотоцикл — ябай ғына транспорт сараһы түгел, ә тормош рәүеше, ирек символы һәм яңы офоҡтарға ынтылыш билдәһе[4].

Иҫкәрмәләр

  1. ↑ 1 2 29 августа - день рождения первого мотоцикла. Федерация сотоциклетного спорта России.
  2. ↑ Сегодня день рождения мотоцикла! Moto magazine.ru (29 август 2022).
  3. ↑ День рождения мотоцикла. ?Глобалмкс.ру.
  4. ↑ 1 2 День рождения мотоцикла. Какой сегодня празжник?.

Категориялар