Мәҙһәб

Мәҙһәб(ғәр. مذهب‎) - (мәҙһәп) - (ғәрәпсәнән тәржемә: юл, йүнәлеш) — мосолмандарҙа хоҡуҡ системаһы йәки ағым. Хәҙер мосолмандарҙа дөйөм танылған дүрт мәҙһәб бар. Улар — хәнәфи, малики, шафиғи, хәнбәли мәҙһәбтәре. Был мәҙһәбтәрҙе башлап ебәргән Әбү Хәнифә, Мәлик бине Әнәс, Шафиғи һәм Ибн Хәнбәл мөжәһиттәр, йәғни, мосолман фикһын аңлатыуҙа иң абруйлы, дәрәжәле кешеләр булараҡ танылғандар. Мәҙһәбтәр бер-береһенән фикһты аңлатыу һәм йолаларҙы ни рәүешле үтәү мәсьәләләрендә генә айырылалар. Ул мәҙһәбтәр барыһы ла тигеҙ хоҡуҡлы һанала. Һәр мосолман үҙе теләгән мәҙһәбтә була ала.

Файл:Madhhab Map3.png

Ислам мәҙһәбтәренең таралышы

Хәнәфиҙәр

Хәнәфиҙәр мәктәбе буйынса хоҡуҡтың (фикһтың) сығанаҡтары:

1. Ҡөрьән
2. Сөннәт
3. Сәхәбәләр һәм тәбиғиндәр һүҙҙәре
4. Ҡыяс (дөйөм хоҡуҡта прецедент менән оҡшаш)
5. Истихсан
6. Ижмә
7. адат (ғәҙәт) һәм урф (ғөрөф) - йола

Мәликиҙәр

Мәлик Ибн Әнәс мәктәбе буйынса хоҡуҡтың (фикхтың) сығанаҡтары:

1. Ҡөрьән
2. Сөннәт
3. Мәҙинә ҡалаһында йәшәгән кешеләрҙен йолалары
4. Сәхәбәләр һәм тәбиғиндәр һүҙҙәре
5. Ҡыяс (дөйөм хоҡуҡта прецедент менән оҡшаш)
6. Истислах

Әҙәбиәт

• З. Шафиғи. Рауил Үтәбай-Кәрими. Ислам. Белешмә һүҙлек. Ҡазан, 1993. ISBN 5-298-00949-2