Мөхәмәтйәнов Ирек Зирәк улы

Ирек Зирәк улы Мөхәмәтйәнов 1959 йылдың 22 ғинуарында Башҡорт АССР-ының Баҡалы районы Иҫке Ҡорос ауылында тыуған^[1].

1981 йылда Башҡорт дәүләт университетының физика-математика факультетын тамамлай һәм хеҙмәт эшмәкәрлеген Өфө нефть институтында (1990 йылдан — Өфө дәүләт нефть техник университеты) башлай^[1]:

• 2006 йылдан — математик моделдәр әҙерләү кафедраһы мөдире;
• 2007—2010 йылдарҙа — иҡтисадта математик ысулдар һәм финанс кафедраһы мөдире.

Физика-математика фәндәре докторы (2004)^[1].

Фәнни эшмәкәрлеге техникала һәм тәбиғәт фәндәрендә математик моделләүгә, иҡтисад һәм социаль системаларҙа барған процестарҙың моделдәрен әҙерләүгә арналған^[1].

Мөхәмәтйәнов тарафынан^[1]:

• дисперслы нефть системаларының макроскопик структураһын имитациялаусы моделдәр әҙерләү ысулы уйлап табыла;
• дисперслы фаза эволюцияһының математик моделе эшләнә;
• макромолекуляр ассоциаттарҙың арауыҡ структураһы фракталь булыуы тикшерелә һәм иҫбатлана.

100-ҙән ашыу фәнни хеҙмәт авторы^[1].

• Структурная организация макромолекулярных ассоциатов в нефтяных средах. М., 2003^[1].
• Обратные задачи в приложениях. Бирск, 2006 (авторҙаш)^[1].
• Математика: курс для студентов экономических специальностей (учебно-методик материал)^[2].