Раковник

Раковник (чех.Rakovník) — Чехияның көнбайышындағы, Среднечех крайындағы ҡала. Киң вәләкәтле муниципалитет һәм Раковник районының администарив үҙәге.

Халҡы — 16,5 мең кеше (2003 йыл).

Праганан көнбайышҡа табан 50 км алыҫлыҡта, диңгеҙ кимәленән 350 метр бейеклектә урынлашҡан. Тимер юлы үҙәге.

Ҡаланың төп предприятиеһы — керамика заводы (плиткалар етештерә). Һыра етештереү бар, 1454 йылда нигеҙ һалынған ҡала һыра ҡайнатыу комбинаты Чехияла иң боронғо Bakalář маркаһы аҫтында һыра сығара^[8]^[9].

Ҡалала боронғо готик ҡапҡалар һаҡланып ҡалған (XV быуаттың 70-се йылдарынан), костел бар. Ҡала музейы эшләй. Йыл һайын «Rakovnik of Urnan Brothers» вокаль музыка фестивале үткәрелә.

Раковниктан йыраҡ түгел — Кршивоклат замогы бар (XV быуат аҙағы).

XV быуат башында бында чех гуманисы Оттерсдорфтан Сикст тыуған, ул ҡатламдарҙың Прага ихтилалының әүҙем ҡатнашыусыһы, ваҡиғалар хроникаһы авторы булған.
1884 йылда Раковник янында Чехословакияның икенсе президенты Эдвард Бенеш тыуған.
Сигизмунд Винт (1846—1912) — чех яҙыусыһы, тарихсыһы йәшәгән һәм эшләгән.