Садиҡов Фәрит Шәмсетдин улы

Заты	ир-ат
Гражданлығы	СССР
Тыуған көнө	29 сентябрь 1927({{padleft:1927|4|0}}-{{padleft:9|2|0}}-{{padleft:29|2|0}})
Вафат булған көнө	20 декабрь 1987({{padleft:1987|4|0}}-{{padleft:12|2|0}}-{{padleft:20|2|0}}) (60 йәш)
Маҡтаулы исемдәре һәм башҡа бүләктәре
Вафат булған урыны	Ибраһим, Ҡырмыҫҡалы районы, Башҡорт АССР-ы, РСФСР, СССР
Тыуған урыны	Ибраһим, Өфө кантоны, Башҡорт АССР-ы, РСФСР, СССР

Садиҡов Фәрит Шәмсетдин улы (29 сентябрь 1927 йыл — 20 декабрь 1987 йыл) — шәкәр сөгөлдөрөн эшкәртеү механизацияланған звено тракторсыһы. Социалистик Хеҙмәт Геройы. РСФСР-ҙың атҡаҙанған механизаторы (1967).

Биографияһы

Фәрит Шамсетдин улы Садиҡов 1927 йылдың 29 сентябрендә Башҡорт АССР-ының Ҡырмыҫҡалы районы Ибраһим ауылында тыуған.

Башланғыс белемле. 1941 йылда Ҡырмыҫҡалы районының Фрунзе исемендәге колхозда тракторсы булып хеҙмәт эшмәкәрлеген башлай. 1947 йылдың февраленән майына тиклем Ҡарламан МТС-ының тракторсылар курсында уҡыған. 1947—1959 йй.— тракторсы, 1959 й. — Фрунзе исемендәге колхоздың шәкәр сөгөлдөрөн үҫтереү буйынса механизацияланған звено башлығы булып эшләй.

һигеҙенсе биш йыллыҡта (1966—1970) Ф. Ш. Садиҡов звеноһында, план буйынса 200 центнер булып, был культураның уңышы 341 центнер тәшкил иткән. Туғыҙынсы биш йыллыҡтың өс йылында, план буйынса 220 центнер булып, звено 345 центнер сөгөлдөр уңышын йыйып алды. 1973 й. — план буйынса 21 245 центнер булып, 49 245 центнер сөгөлдөр — социалистик йөкләмә 141 %-ҡа үтәлде. 94 гектар ерҙең һәр гектарынан 522 центнер рекордлы уңыш алдылар. Свекловод республикаһы Звено республика сөгөлдөр үҫтереүселәре араһында беренсе урынды биләй. Сөгөлдөр етештереүҙең өс йыллыҡ планы 156 %-ҡа үтәлде — план буйынса 61 054 ц булғанда, звено 95 705 центнер татлы тамыр йыйып алды. Һатыу планын звено 141 %-ҡа үтәне — план буйынса 58 470 ц булып, 82 453 центнер һатылды. Уңыш эшкәртеү технологияһын камиллаштырыу, һөрөнтө ерҙе эшкәрткәндә комплекслы механизациялау һәм ағым-йыйыу ысулдарын ҡулланыу арҡаһында уңышҡа өлгәшелә.

1973 йылда Бөтә союз социалистик ярышында яулаған оло ҡаҙаныштары һәм игенселек аҙыҡ-түлеген етештереү һәм дәүләткә һатыу буйынса йөкләмәләрен арттырып үтәгәндә күрһәткән хеҙмәт батырлығы өсөн Ф. Ш. Садиҡовҡа 1973 йылдың 7 декабрендә СССР Юғары Советы Президиумы Указы менән Социалистик Хеҙмәт Геройы исеме бирелә.

Алтынсы саҡырылыш Башҡорт АССР-ы Юғары Советы депутаты (1963—1967).

Садиҡов Фәрит Шәмсетдин улы 1987 йылдың 20 декабрендә вафат була.

Маҡтаулы исемдәре һәм башҡа бүләктәре

• Социалистик Хеҙмәт Геройы (1973);
• Ленин ордены (1971, 1973),
• Халыҡтар Дуҫлығы ордены (1981)
• миҙалдар менән бүләкләнгән.

Хәтер

Ибраһим ауылындағы урам батыр исемен йөрөтә.

Иҫкәрмәләр

Әҙәбиәт

• Герои труда / сост. Р. А. Валишин [и др.]. — Уфа : Китап, 2011. — 432 с. : ил. -ISBN 978-5-295-05228-6.
• Башкирская энциклопедия. Гл. ред. М. А. Ильгамов т. 5. П-С. 2009. −576 с. ISBN 978-5-88185-072-2 науч.. изд. Башкирская энциклопедия, г. Уфа.

Һылтанмалар

• Садиҡов Фәрит Шәмсетдин улы  (билдәһеҙ). «Герои страны» сайты.

http://bashkortostan450.ru/interactive-map/regions/r31/r31_33.html?gord=1&template=46 2013 йылдың 11 декабрь көнөндә архивланған.