Сәфәров Альберт Тәлғәт улы
Сәфәров Альберт Тәлғәт улы (5 май 1958 йыл, Өфө) — СССР биатлонсыһы, биатлон буйынса совет һәм Рәсәй тренеры, биатлонда Рәсәй тренеры һәм эшмәкәре, функционеры. Ишембай биатлон мәктәбенә нигеҙ һалыусыларҙың береһе. Башҡортостан Республикаһы Биатлон федерацияһының экс-рәйесе[1][2]. Рәсәйҙең атҡаҙанған тренеры (2000), СССР-ҙың спорт мастеры (1979) һәм биатлон буйынса халыҡ-ара категориялы судья (2003)[3]. Башҡортостан Республикаһының атҡаҙанған физик культура хеҙмәткәре (1999).
Спортсы карьераһын
Сәфәров Альберт Н. Ф. Гастелло исемендәге спорт клубы (Өфө) тәрбиәләнеүсеһе, Ямалиев Памир Камалетдин улының (1942—1999) уҡыусыһы.
СССР ДОСААФ-ы чемпионы (1981—1984), СССР беренселегенең көмөш һәм бронза призеры (1979), РСФСР халыҡтары Спартакиадаһының бронза призеры (1981), Чехословакияла (2 тапҡыр, 1983) һәм Польшала (1984) халыҡ-ара ярыштар еңеүсеһе.
СССР-ҙың спорт мастеры (1979).
Тренер карьераһы
1984 йылдан Биатлон буйынса республика балалар‑үҫмерҙәр Олимпия резервы махсус мәктәбе тренер-уҡытыусыһы, бер үк ваҡытта 1999—2002 йылдарҙа Ишембай районы һәм Ишембай ҡалаһының физик культура, спорт һәм туризм буйынса комитеты рәйесе.
Альберт Тәлғәт улы Сәфәровтың тәрбиәләнеүселәре араһында 20-нән ашыу СССР-ҙың һәм Рәсәй-ҙең Халыҡ-ара класлы спорт мастеры бар.
Рәсәйҙең биатлон буйынса атҡаҙанған тренеры (2000).
Әҙәбиәт
Альберт Тәлғәт улы Сәфәров. Башҡортостан энциклопедияһында мәҡәлә.
Иҫкәрмәләр
- ↑ Российский биатлон
- ↑ Российский биатлон(недоступная ссылка)
- ↑ Российский биатлон
Һылтанмалар
Сафаров, Альберт Талгатович. ГАУН РБ «Башкирская энциклопедия» (2013). Мөрәжәғәт итеү датаһы: 4 апрель 2017. 2017 йылдың 26 апрель көнөндә архивланған.