Тяптин Виталий Михайлович
Тяптин Виталий Михайлович (19 декабрь 1939 йыл — 2 сентябрь 1994 йыл) — хеҙмәт алдынғыһы. СССР Энергетика һәм электрификация министрлығы «Башуралэнергострой» тресының комплекслы бригада бригадиры, Хеҙмәт Даны орденының тулы кавалеры (1986).
Биографияһы
Виталий Михайлович Тяптин 1939 йылдың 19 декабрендә Башҡорт АССР-ы Благовещен районының Листовка ауылында тыуған. Белеме — тулы булмаған урта. 9-сы фабрика-завод мәктәбендә уҡығандан һуң (Өфө, 1956) — «Авиаспецмонтаж» производство-көйләү берекмәһенең 5-се производство-монтаж идаралығы слесары. Һуңынан Өфө ТЭЦ-тарының төҙөлөш идаралығында эшләй. 1973 йылдан 1994 йылға тиклем —"Башуралэнергострой" тресының комплекслы бригада бригадиры.
Өфөлә йәшәй һәм эшләй, 1994 йылдың 2 сентябрендә вафат була.
Маҡтаулы исемдәре һәм башҡа бүләктәре
Биш йыллыҡтың планы заданиеларын һәм ҡабул иткән социалистик йөкләмәләрҙе үтәүҙә өлгәшкән ҙур уңыштары өсөн В. М. Тяптин I дәрәжә (1986), II дәрәжә (1981), III дәрәжә (1975) Хеҙмәт даны ордены, миҙалдар менән бүләкләнгән.
Әҙәбиәт
- Герои труда / сост. Р. А. Валишин [и др.]. — Уфа : Китап, 2011. — 432 с. : ил. — ISBN 978-5-295-05228-6.
Иҫкәрмәләр
Һылтанмалар
- Тяптин Виталий Михайлович // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 16 декабрь 2018)
- Тяптин Виталий Михайлович. «Герои страны» сайты.