Флагстафф (Аризона)
Флагстафф[7] (ингл. Flagstaff) — АҠШ-тың көньяҡ-көнбайышындағы ҡал, Аризона штатының төньяғында урынлашҡан. Ҡала агломерацияһында халыҡ һаны 2013 йылда 68 667 кеше. Коконино округының үҙәге. 1876 йылдың 4 июлендә.АҠШ-тың 100 йыллығын байрам иткәндә һары ҡарағайҙан Бостон күскенселәре яһаған флагшток хөрмәтенә ҡалаға исем бирелгән.
Флагстафф Колорадо яҫы ҡалҡыулығының көньяҡ-көнбайыш сигендә, һары ҡарағай урманы янында, Элден тауы эргәһендә урынлашҡан.
Флагстафф иҡтисады башта тимер юлдар һәм ранчо, урман материалдарында нигеҙләнгән. Бөгөнгө көндә ҡала Nestlé Purina PetCare һәм Walgreens компанияларының үҙәге. Ҡалала туризмсекторы бик ныҡ үҫешкән. Бында Гранд-Каньон, Оак-Крик каньоны, тау саңғыһы курорттары «Сноубоул Аризона» тау саңғыһы курорттары бар.
Тарих
1855 йылда лейтенант Эдвард Фицджеральд Рио-Гранде ҡалаһынан Нью-Мексикоға юл һалған һәм әлеге ҡала урында лагерь яһаған. Шунда үҫкән һары ҡарағайҙан флагштоктар яһатып, АҠШ флагын күтәргән..
1876 йылда ҡалала беренсе даими тораҡ барлыҡҡа килгән..
1894 йылда Массачусетс астрономы Лоуэлл Персиваль Э. Э. Дугласты яңы обсерватория өсөн урын эҙләтергә яллай. Дуглас ҡалҡыулыҡта Обсерватория Лоуэлл обсерваторияһы өсөн иң яҡшы, уңайлы урынды һайлаған. Ике йылдан һуң 610 мм Кларк телескопы ҡуйылған. 1930 йылда ошо телескоп ярҙамында Плутон планетаһы асыла.1955 йылда АҠШ Хәрби-диңгеҙенең обсерваторияһы Флагстафф АҠШ хәрби-диңгеҙ обсерваторияһын булдыра, ул 1978 йылда Плутондың юлдашын — Харонды таба.
Географияһы
Халыҡ иҫәбен алыу АҠШ Бюроһы мәғлүмәттәре буйынса ҡаланың майҙаны 165,5 км², шуның 0,08 км² (0,08 %) — һыу. өҫтө. Флагстафф ҡалаһы Финикстан яҡынса 210 км алыҫлыҡта тора.
Иҡтисад
Туғанлашҡан ҡалалары
Рәсәй Федерацияһы, Барнаул
Австралия, Сити-оф-Блю-Маунтинз (инг.)баш. (Яңы Көньяҡ Уэльс)
Ҡытай Республикаһы, Синьтянь (инг.)баш.
Мексика, Мансанильо
Иҫкәрмәләр
- ↑ https://www.flagstaff.az.gov/4512/Mayor-Paul-Deasy
- ↑ United States. Bureau of the Census 2016 U.S. Gazetteer Files (ингл.) — Washington, D.C.: U.S. Census Bureau, 2016.
- ↑ 1 2 3 United States. Bureau of the Census 2010 U.S. Gazetteer Files (ингл.) — Washington, D.C.: U.S. Census Bureau, 2010.
- ↑ 2016–2020 American Community Survey / под ред. Бюро переписи населения США — 2022.
- ↑ Административно-территориальное деление США : словарь-справочник (урыҫ) — М.: ВИНИТИ РАН, 1964. — С. 25. — 235 с.
- ↑ 2016–2020 American Community Survey / под ред. Бюро переписи населения США — 2022.
- ↑ Словарь географических названий зарубежных стран / отв. ред. А. М. Комков. — 3-е изд., перераб. и доп. — М. : Недра, 1986. — С. 393.