Ханова Рәзифә Сәлих ҡыҙы
Ханова Рәзифә Сәлих ҡыҙы (15 декабрь 1948 йыл — 7 сентябрь 2015 йыл) — 1966—1998 йылдарҙа Башҡорт АССР-ының Дүртөйлө районы Карл Маркс исемендәге колхозының Иванай һөт-тауар фермаһы һауынсыһы. Хеҙмәт Даны орденының тулы кавалеры.
Биографияһы
Рәзифә Сәлих ҡыҙы Ханова 1948 йылдың 15 декабрендә Башҡорт АССР-ы Дүртөйлө районы Гөблөкөсөк ауылында тыуған. Урта мәктәпте тамамлай.
1963 йылда һарыҡсылыҡ фермаһында хеҙмәт юлын башлай. 1966 йылдан башлап Дүртөйлө районы Карл Маркс исемендәге колхозының Иванай һөт-тауар фермаһы һауынсыһы булып эшләй.
1983 йылда Рәзифә Ханова бер һыйырҙан план буйынса 2067 литр һөт урынына 2662 литр һөт һауа, 1985 йылға һауымды 4010 литрға тиклем еткерә. Ун беренсе биш йыллыҡта (1981—1985) бер һыйырҙан уртаса йылына 3182 литр һөт һауған.
1998 йылда хаҡлы ялға сыҡҡас, Башҡортостан Республикаһының Дүртөйлө районының Гөблөкөсөк ауылында йәшәй.
2015 йылдың 7 сентябрендә вафат була[2], тыуған ауылы Гөблөкөсөктә ерләнгән.
Наградалары
- I (1986), II (1980), III (1975) дәрәжә Хеҙмәт Даны ордены
- миҙалдар
Әҙәбиәт
- Герои труда / сост. Р. А. Валишин [и др.]. — Уфа : Китап, 2011. — 432 с. : ил. — ISBN 978-5-295-05228-6. (рус.)
Иҫкәрмәләр
- ↑ Башкирская энциклопедия (урыҫ) — Башкирская энциклопедия, 2005. — 4344 с. — ISBN 978-5-88185-053-1
- ↑ Башкирская энциклопедия — Ханова Разифа Салиховна 2019 йылдың 24 декабрь көнөндә архивланған. (Тикшерелеү көнө: 13 декабрь 2018) (рус.)
Һылтанмалар
- Ханова Рәзифә Сәлих ҡыҙы. «Герои страны» сайты.
- Ханова Рәзифә Сәлих ҡыҙы // Башҡорт энциклопедияһы. — Өфө: Башҡорт энциклопедияһы (ғилми-нәшриәт комплексы), 2015—2020. — ISBN 978-5-88185-306-8.