Хәсәнов Зекерйән Әхтәм улы
Хәсәнов Зекерйән Әхтәм улы (15 сентябрь 1934 йыл — 2016 йыл) — хеҙмәт алдынғыһы. 1970—1980 йылдарҙа Салауат районы «Һарғамыш» совхозының тракторсы-машинисы. Башҡорт АССР-ының атҡаҙанған ауыл хужалығы механизаторы. Ленин ордены кавалеры (1972). Салауат районының почётлы гражданы (2015).
Тормош һәм хеҙмәт юлы
Зекерйән Әхтәм улы Хәсәнов 1934 йылдың 15 сентябрендә Башҡорт АССР-ының Ҡыйғы (хәҙерге Салауат) районындағы Шәрип ауылында тыуған.
1953—1954 йылдарҙа Балаҡатай районы Ямаш ауылы профтехучилищеһында тракторсы-машинист һөнәрен үҙләштерә.
Арҡауыл МТС-ында тракторсы-машинист булып эшләй, механизация буйынса бригадир итеп үрләтелә.
1970 йылдан ауыл хужалығы культураларын үҫтереү звеноһында эшләй. Хәсәнов Зекерйән Әхтәм улы алдынғы хеҙмәте өсөн 1972 йылда СССР-ҙың иң юғары наградаһын — Ленин орденына лайыҡ була.
1980 йылдан башлап, хаҡлы ялға сыҡҡансы — «Һарғамыш» совхозының Миәшәгәр бүлексәһе управляющийы.
Намыҫлы хеҙмәте өсөн Зекерйән Әхтәм улы район һәм республика кимәлендәге күп маҡтау ҡағыҙҙары, грамоталары, миҙалдары, маҡтаулы исемдәре менән бүләкләнгән.
Улы Хәсәнов Радик — хәрби хеҙмәткәр, отставкалағы подполковник, Афғанистан ветераны, Ҡыҙыл Йондоҙ һәм Ҡыҙыл Байраҡ ордендары кавалеры.
Маҡтаулы исемдәре һәм башҡа бүләктәре
- РСФСР ауыл хужалығы социалистик ярыш алдынғыһы
- Башҡорт АССР-ының атҡаҙанған ауыл хужалығы механизаторы
- Ленин ордены (1972)
- Коммунистик хеҙмәт ударнигы.
Һылтанмалар
- Энциклопедия Салаватского района Республики Башкортостан / К. К. Галеева. — Уфа: АКИРУС, 2024. — С. 690—691. — 800 с.
- Мещегаровский сельсовет муниципального района
- Салаватскому району — 80 лет!!!