Шакиров Дамир Фәйез улы
Шакиров Дамир Фәйез улы (рус. Шакиров Дамир Фаизович; 1956 йылдың 15 феврале, Ҡырғыҙ-Миәкә, Башҡорт АССР-ы) — ғалим-гигиенист. Медицина фәндәре докторы (2002), профессор (2006). 1982 йылдан (өҙөклөк менән) Башҡорт дәүләт медицина институты һәм Башҡорт дәүләт медицина университеты уҡытыусыһы[1][2].
Биографияһы
Дамир Фәйез улы Шакиров 1956 йылдың 15 февралендә Башҡорт АССР-ының Миәкә районы Ҡырғыҙ-Миәкә ауылында тыуа. 1980 йылда Башҡорт дәүләт медицина институтының санитар-гигиена факультетын тамамлай. Башҡорт дәүләт медицина институтын тамамлағандан һуң Республика санитария мәғарифы йортонда эшләй. 1982 йылдан алып (өҙөклөк менән) Башҡорт дәүләт медицина университетында «Дөйөм гигиена», «Ғәҙәттән тыш хәлдәр гигиенаһы һәм эпидемиологияһы» дисциплиналары буйынса уҡыта[3].
1991—93 йылдарҙа “Биос” преприятиеһының (Өфө) өлкән ғилми хеҙмәткәре.
Фәнни эшмәкәрлеге
Фәнни эшмәкәрлеге производство мөхитендәге химик бысратыусыларҙың химия, нефтехимия һәм нефть эшкәртеү сәнәғәте эшселәре һаулығы торошона йоғонтоһон өйрәнеүгә, хеҙмәт шарттарына гигиеник баһа биреүгә, тирә-яҡ мөхиттең зарарлы факторҙары тәьҫир иткәндә донозологик критерийҙар эшләүгә һ.б. арналған. 400 фәнни хеҙмәт, 30 методик эш һәм 3 уйлап табыу авторы[2].
Төп хеҙмәте
- Энергообеспечение жизнедеятельности человека в норме и патологии. 2‑е изд., доп. и перераб. Уфа, 2005 (авторҙ.).
Иҫкәрмәләр
- ↑ Шакиров Дамир Фәйез улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
- ↑ 1 2 Шакиров Дамир Фаизович. Башкирский государственный медицинский университет. Мөрәжәғәт итеү датаһы: 13 ғинуар 2026.
- ↑ Шакиров Дамир Фаизович 2022 йылдың 28 апрель көнөндә архивланған.
Сығанаҡтар
- Шакиров Дамир Фәйез улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.