Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Юйхуа Сюй

Юйхуа Сюй (ҡыт. ғәҙәти 許昱華, ябайл. 许昱华, пиньин: Xǔ Yùhua; 1976 йылдың 29 октябре, Цзиньхуа[d], Чжэцзян[d]) — Ҡытай шахматсыһы, гроссмейстер. Шахмат буйынса ҡатын-ҡыҙҙар араһында 11-се донъя чемпионы (2006 йыл).

Биографияһы

Юйхуа Сюй 1976 йылдың 29 октябрендә Ҡытай Халыҡ Республикаһының Чжэцзян провинцияһы Цзиньхуа́ ҡала округында тыуа. Алты йәшендә атаһы шахмат уйнарға өйрәтә. 2006 йылда Рәсәй шахматсыһы, Алиса Ғәлләмованы еңеп, донъя чемпионы тажын яулай[4].

Шахмат буйынса Азия чемпионы (1998).[5]

2000 һәм 2002 йылдарҙа Шахмат буйынса Донъя кубогын яулай. Ҡытай командаһы составында өс тапҡыр шахмат буйынса Олимпия чемпионы була (2000, 2002 һәм 2004)[6]. 2001 йылда — ҡатын-ҡыҙҙар, 2006 йылда ир-егеттәр араһында халыҡ-ара гроссмейстер исемен ала. 2004 йылда донъя чемпионатында уңышһыҙ сығышынан һуң тәнәфес ала һәм Пекин университетының бакалавриатын тамамлай. 2009—2010 йылдарҙа ҡабат шахмат уйындарына әйләнеп ҡайта һәм ҡатын-ҡыҙҙар араһында ФИДЕ Гран-приһы серияһында ҡатнаша. 2009 йылда Нанкинда үткән турнирҙа еңеү яулай[7]. 2011 йылда Юйхуа Сюй Ҡытай лингвистикаһын өйрәнеп, әҙәбиәт өлкәһендә магистр диссертацияһы яҡлай. Спорттан китә һәм абитуриенттарҙа ярҙам итә, шулай уҡ Ҡытай теленең төрлө һөйләштәре буйынса китап яҙа[8].

Сюй Юхуа — донъяла өс ҙур титулды яулаған берҙән-бер ҡатын-ҡыҙ шахматсы: Олимпиада, Донъя кубогы һәм Донъя чемпионаты. 2007 йылда Ҡытай милли спорт премияһы «Лауреус чемпионы»ның ун лауреаты иҫәбенә инә.

2008 йылғы донъя чемпионатында Сюй Юхуа үҙенең титулын юғалта, икенсе раундта сығарыла. 2009—2011 йылдарҙағы ФИДЕ ҡатын-ҡыҙҙар Гран-приһы циклында бер этапта еңеү яулай, әммә дөйөм иҫәптә етенсе урынды яулай һәм 2011 йылғы донъя чемпионаты матчына үтмәй.

2011 йылда Ҡытай шахмат лигаһында (CCL) Чжэцзян шахмат клубы өсөн сығыш яһай. Конкуренциянан киткәс, Сюй Юхуа Ҡытайҙа ижтимағи һәм сәйәси эшмәкәрлек менән шөғөлләнә[9].

Иҫкәрмәләр

  1. ↑ http://www.britannica.com/EBchecked/topic/1508933/Xu-Yuhua
  2. ↑ http://en.chessbase.com/post/topalov-catches-anand-in-fide-rankings
  3. ↑ ratings.fide.com (ингл.)
  4. ↑ Xu Yuhua is the eleventh Women's World Champion. chessbase.com (25 март 2006).
  5. ↑ Asian Women's Chess Championship 1998. OoCities.
  6. ↑ Сюй Юйхуа // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.
  7. ↑ СЮЙ ЮЙХУА́ 2020 йылдың 25 октябрь көнөндә архивланған.
  8. ↑ СЮЙ ЮЙХУА
  9. ↑ Сюй Юйхуа — 11-я чемпионка мира по шахматам среди женщин. ChessWood.ru. Мөрәжәғәт итеү датаһы: 5 ноябрь 2025.

Тема буйынса өҫтәмә

Категориялар