Ғирфанов Рәсим Мәсәлим улы
Ғирфанов Рәсим Мәсәлим улы (рус. Гирфанов Расим Масалимович; 14 декабрь 1951 йыл) — инженер, хәрби хеҙмәткәр һәм дәүләт органдары хеҙмәткәре. 2002—2009 йылдарҙа Рәсәй Федерацияһы Федераль именлек хеҙмәтенең Омск өлкәһе буйынса идаралығы етәксеһе, генерал—майор. 2010—2012 йылдарҙа Омск өлкәһе хөкүмәте рәйесе урынбаҫары, Омск ҡалаһының вице-мэры. Почёт ордены кавалеры (2007). Дәүләт именлегенең почётлы хеҙмәткәре.
Биографияһы
Рәсим Мәсәлим улы Ғирфанов 1951 йылдың 14 декабрендә Башҡорт АССР-ы Дәүләкән ҡалаһында тыуған. Урта белем алғас, Өфө авиация институтында[1] уҡый. Уның авиация двигателдәре факультетын тамамлағас, йүнәтмә буйынса Өфө моторҙар эшләү заводының «Союз» конструкторлыҡ бюроһында инженер-конструктор булып эшләй[2].
1979 йылда дәүләт именлеге органдарына хеҙмәткә алына. КГБ-ның Минск ҡалаһындағы Юғары курсын, аҙаҡтан Мәскәүҙә КГБ Юғары мәктәбен[3] тамамлай. Оператив хеҙмәткәрҙән башлап, Рәсәй Федераль именлек хеҙмәтенең Башҡортостан Республикаһы буйынса идаралығы етәксеһе урынбаҫары вазифаһына тиклем хеҙмәт юлы үтә.
2002 йылдың 6 февралендә Рәсәй Федерацияһы Федераль именлек хеҙмәтенең Омск өлкәһе буйынса идаралығы етәксеһе итеп тәғәйенләнә[4] һәм был вазифала 2009 йылдың 3 декабренә тиклем хеҙмәт итә[2]. Хәрби званиеһы — генерал—майор. 2007 йылда Почёт ордены менән бүләкләнә.
2010 йылдың 15 мартынан Омск өлкәһе хөкүмәте рәйесе урынбаҫары[5], ошо йылдың октябренән[6] 2012 йылдың йәйенә тиклем Омск ҡалаһының вице-мэры була[2].
Маҡтаулы исемдәре һәм башҡа бүләктәре
- Почёт ордены (2007)
- 1-се, 2-се һәм 3-сө дәрәжә «Фиҙаҡәр хеҙмәте өсөн» миҙалы
- Дәүләт именлегенең почётлы хеҙмәткәре.
Иҫкәрмәләр
- ↑ Хәҙер Өфө дәүләт авиация техник университеты
- ↑ 1 2 3 Сетевое издание «Новый Омск», 14 ноября 2018 года. Гирфанов Расим Масалимович (рус.) (Тикшерелеү көнө: 25 июль 2024)
- ↑ Хәҙер Рәсәйҙең Федераль именлек хеҙмәте академияһы
- ↑ Летят перелетные полковники. Новым начальником омского УФСБ назначен Расим Гирфанов. Информационный портал «Открытый Омск». 26 февраля 2002 года (рус.) (Тикшерелеү көнө: 25 июль 2024)
- ↑ Наш земляк - заместитель председателя правительства Омской области. Информационное агентство «Башинформ», 15 марта 2010 года (рус.) (Тикшерелеү көнө: 25 июль 2024)
- ↑ Гирфанов стал вице-мэром. Сетевое издание «Омскпресс», 19 октября 2010 года (рус.) (Тикшерелеү көнө: 25 июль 2024)
Һылтанмалар
- «СуперОмск» поздравляет с юбилеем Расима Гирфанова. Информационное агентство «СуперОмск». 17:54, 14 декабря 2016 года (рус.) (Тикшерелеү көнө: 25 июль 2024)
- Сетевое издание «Новый Омск», Гирфанов Расим Масалимович. Начальник УФСБ по Омской области в 2002—2009 годах 2020 йылдың 4 июль көнөндә архивланған. (рус.) (Тикшерелеү көнө: 25 июль 2024)
- Расим ГИРФАНОВ: «За последние пять лет по материалам омского УФСБ выдворено с территории России восемь кадровых сотрудников иностранных разведок». Газета «Коммерческие вести», № 22 от 19 июня 2002 года (рус.) (Тикшерелеү көнө: 25 июль 2024)
- Еженедельник «Аргументы и Факты», № 51. АиФ в Омске 19 декабря 2007 года. Современные Штирлицы: правда об омских чекистах (рус.) (Тикшерелеү көнө: 25 июль 2024)
- Сайт Коммерческие вести. Гирфанов Расим Масалимович (рус.) (Тикшерелеү көнө: 25 июль 2024)
- Наш земляк - заместитель председателя правительства Омской области. Информационное агентство «Башинформ», 15 марта 2010 года (рус.) (Тикшерелеү көнө: 25 июль 2024)