Ҡадиров Рәфис Фәйез улы
Ҡадиров Рәфис Фәйез улы (рус. Кадыров Рафис Фаизович; 7 июнь 1955 йыл, Башҡорт АССР-ының Асҡын районы Көнгәк ауылы) — банк хеҙмәткәре, йәмәғәтсе. 1993 йылдан «Восток» Халыҡ-ара коммерция банкының рәйесе. 1990 йылдың 11 октябрендә Башҡорт АССР-ының ун икенсе саҡырылыш Юғары Советының өсөнсө сессияһында республиканың дәүләт суверенитеты тураһында Декларация ҡабул иткән Башҡорт АССР-ының 12-се саҡырылыш Юғары Советы депутаты, Юғары Советтың Республиканың, ҡала һәм райондарының социаль һәм иҡтисади үҫеш буйынса комиссия ағзаһы.
Биографияһы
Рәфис Фәйез улы Ҡадиров 1955 йылдың 7 июнендә Башҡорт АССР-ының Асҡын районы Көнгәк ауылында тыуған.
Милләте — башҡорт, юғары белемле — 1983 йылда Башҡортостан дәүләт медицина институтын, 1993 йылда Рәсәй Фәндәр академияһының Иҡтисад һәм социология институтын тамамлаған.
Хеҙмәт юлын, 1974 йылда медицина училищеһын тамамлағас, район тиҙ ярҙам станцияһында фельдшер булып башлай. 1974—1976 йылдарҙа Совет Армияһында хеҙмәт итә. Алыҫ Көнсығыш больницаһында фельдшер булып эшләй. Медицина институтын тамамлағас, Өфөлә 13-сө дауаханала интернатура үтә. 1984—1989 йылдарҙа 21-се дауаханала реаниматолог. 1989—1993 йылдарҙа «Восток» кооператив банкының идараһы рәйесе. 1993 йылдан «Восток» Халыҡ-ара коммерция банкының рәйесе. [2] Өфө ҡалаһы Совет районы, 63-сө Молодежный һайлау округы Башҡорт АССР-ының 12-се саҡырылыш Юғары Советының халыҡ депутаты итеп һайлана. Башҡортостан Республикаһы Юғары Советының республиканың, ҡала һәм райондарының социаль һәм иҡтисади үҫеш буйынса комиссия ағзаһы. [3]
Иҫкәрмәләр
- ↑ Кадыров Рафис Фаизович // https://www.biografija.ru/biography/kadyrov-rafis-faizovich.htm
- ↑ // Парламентаризм в Башкортостане: история и современность. — Т. 2. — Уфа, 2005.удк 930 5-8258-0204-5ISBN
- ↑ Народные депутаты Республики Башкортостан. Двенадцатый созыв. — Уфа, Китап, 1994. — с. 34
Сығанаҡтар
- Народные депутаты Республики Башкортостан. Двенадцатый созыв. — Уфа, Китап, 1994. — с. 104