Рус телендәге версияМахсус проекттар
Күренеште көйләргәТелде алмаштырырға
РУВИКИ ТУРАҺЫНДА

Ҡантүков Рәфҡәт Ғәбделхәй улы

Рәфҡәт Ғабделхәй улы Кантюков (рус. Кантюков Рафкат Абдулхаевич; 1953 йылдың 23 авгусы, Кантюковка, Башҡорт АССР-ы) — Рәсәй идарасыһы, нефть һәм газ сәнәғәте эшмәкәре, 1998—2019 йылдарҙа «Газпром трансгаз Ҡазан» яуаплылығы сикләнгән йәмғиәтенең генераль директоры, 2004 йылдан «Зенит-Ҡазан» волейбол клубы президенты. Техник фәндәр кандидаты[1][2].

Биографияһы

Белеме һәм сәнәғәттәге эшмәкәрлеге

Рәфҡәт Ғабделхәй улы Кантюков 1953 йылдың 23 авгусында Башҡорт АССР-ының Стәрлетамаҡ районы Ҡантюковка ауылында тыуған[2].

1979 йылда Салауат индустриаль техникумын «автомобилдәргә техник хеҙмәтләндереү һәм уларҙы ремонтлау» һөнәре буйынса тамамлай. 1986 йылда Өфө нефть институтын «химик-технологик процестарҙы автоматлаштырыу һәм комплекслы механизациялау» һөнәре буйынса тамамлай. 2001 йылда Санкт-Петербург халыҡ-ара менеджмент институтында «эшлекле идара итеү магистры» программаһы буйынса белем ала[2].

1970—1973 йылдарҙа Салауат ремонт-механика заводында токарь булып эшләй, 1973—1982 йылдарҙа водитель була. 1983—1989 йылдарҙа «Салауатнефтеоргсинтез» берекмәһендә цех начальнигы урынбаҫары, 1989—1998 йылдарҙа «Ямбурггаздобыча» предприятиеһында бүлек начальнигы вазифаларын биләй[2].

1998—2019 йылдарҙа «Газпром трансгаз Ҡазан» яуаплылығы сикләнгән йәмғиәтенең генераль директоры була. 2019—2020 йылдарҙа ошо уҡ ойошманың генераль директоры кәңәшсеһе булып эшләй. 2020—2023 йылдарҙа «Ҡазаноргсинтез» асыҡ акционерҙар йәмғиәтендә инфраструктура һәм сеймал проекттары буйынса баш консультант була. 2020 йылдан Татарстан Республикаһы Рәисенең штаттан тыш кәңәшсеһе һәм «Түбән Кама нефтехим» асыҡ акционерҙар йәмғиәтенең директорҙар советы ағзаһы булып тора[1].

Сәйәси һәм йәмәғәт эшмәкәрлеге

Кантюков Татарстан Республикаһы Дәүләт Советының икенсе, өсөнсө, дүртенсе һәм бишенсе саҡырылыш депутаты итеп һайлана. 2008—2019 йылдарҙа Татарстан Республикаһы Дәүләт Советы Президиумы составына инә[1][3].

«Зенит-Ҡазан» волейбол клубы

2004 йылдан Рәфҡәт Кантюков Ҡазан волейбол клубының президенты булып тора. Клуб тәүҙә «Динамо-Таттрансгаз» исеме аҫтында сығыш яһай, ә 2008 йылда «Зенит-Ҡазан» тип үҙгәртелә[1][4].

Хәйриә һәм меценатлыҡ эшмәкәрлеге

2000—2008 йылдарҙа Рәфҡәт Кантюковтың финанс ярҙамы менән Стәрлетамаҡ районы Ҡантюковка ауылында «Суфия» мәсете төҙөлә. Мәсет уның әсәһе иҫтәлегенә атала. Мәсет 2008 йылдың 22 авгусында асыла[5].

Маҡтаулы исемдәре һәм наградалары

  • Газ сәнәғәтенең почётлы хеҙмәткәре — 2003 йыл[2];
  • Рәсәй Федерацияһы яғыулыҡ-энергетика комплексының почётлы хеҙмәткәре (2003 йыл)[2];
  • «Ҡазандың 1000 йыллығы иҫтәлегенә» миҙалы — 2005 йыл.[2]
  • Татарстан Республикаһының «Фиҙаҡәр хеҙмәт өсөн» миҙалы (2005)[2];
  • Рәсәй Федерацияһының атҡаҙанған нефть һәм газ сәнәғәте хеҙмәткәре (2006)[3];
  • «Татарстандың өс миллиард тонна нефть сығарыуы хөрмәтенә» миҙалы (2010)[2];
  • Дуҫлыҡ ордены (2011)[3];
  • Татарстан Республикаһының фән һәм техника өлкәһендәге Дәүләт премияһы лауреаты (2012)[3];
  • «Татарстан Республикаһы алдындағы ҡаҙаныштары өсөн» ордены (2013)[2];
  • Ҡазан ҡалаһының почётлы гражданы (2013)[3];
  • Почёт ордены — 2018 йыл, нефть һәм газ сәнәғәте өлкәһендәге ҡаҙаныштары һәм күп йыллыҡ намыҫлы хеҙмәте өсөн[6];
  • «Татарстан Республикаһы алдындағы ҡаҙаныштары өсөн» ордены миҙалы (2023)[7];
  • II дәрәжә «Ватан алдындағы ҡаҙаныштары өсөн» ордены миҙалы — 2023 йыл, физик культураны һәм спортты үҫтереүгә индергән өлөшө һәм күп йыллыҡ намыҫлы хеҙмәте өсөн[8].

Иҫкәрмәләр

  1. ↑ 1 2 3 4 Рафкат Абдулхаевич Кантюков. ВК «Зенит-Казань». Мөрәжәғәт итеү датаһы: 1 июль 2026.
  2. ↑ 1 2 3 4 5 6 7 8 9 10 Кантюков Рафкат Абдулхаевич. Реальное время. Мөрәжәғәт итеү датаһы: 1 июль 2026.
  3. ↑ 1 2 3 4 5 Кантюков Рафкат Абдулхаевич. Государственный Совет Республики Татарстан. Мөрәжәғәт итеү датаһы: 1 июль 2026. Архивировано из оригинала 24 сентябрь 2015 года.
  4. ↑ «Динамо-ТТГ» стало «Зенитом». Sportbox.ru (3 июль 2008). Мөрәжәғәт итеү датаһы: 1 июль 2026. Архивировано 6 декабрь 2008 года.
  5. ↑ Фәрит Фаткуллин. Кантюковканы Кантюковлар яшәтә һәм яшәртә. Кызыл таң (12 сентябрь 2017). Мөрәжәғәт итеү датаһы: 1 июль 2026. Архивировано из оригинала 12 февраль 2019 года.
  6. ↑ Указ Президента Российской Федерации от 11 июля 2018 года № 414 «О награждении государственными наградами Российской Федерации». docs.cntd.ru. Мөрәжәғәт итеү датаһы: 1 июль 2026.
  7. ↑ Рафкат Кантюков получил орден «За заслуги перед Татарстаном». Реальное время (24 август 2023). Мөрәжәғәт итеү датаһы: 1 июль 2026.
  8. ↑ Указ Президента Российской Федерации от 8 ноября 2023 года № 825 «О награждении государственными наградами Российской Федерации». ГАРАНТ. Мөрәжәғәт итеү датаһы: 1 июль 2026.

Әҙәбиәт

Һылтанмалар

Категориялар