Ҡорал эшләүселәр көнө

Ҡорал эшләүселәрҙең һөнәри байрамы датаһы юҡҡа ғына һайланмаған: 19 сентябрҙә православиелылар Архангел Михаилды хөрмәтләй, ул ҡорал эшләүселәрҙең яҡлаусыһы булып һанала. Һөнәри байрамды байрам итеү датаһын һайлау өсөн «Мәскәү Кремле» музей комплексы мәскәү Кремленең Ҡорал палатаһы эшмәкәрлеге тураһында тарихи белешмә әҙерләй һәм тәҡдим итә. Палатаның барлыҡҡа килеү датаһы аныҡ билдәле түгел. «Оружничий» исеме беренсе тапҡыр 1508 йылдың сентябрендә телгә алына, арсенал әҙерләү, һатып алыу, һаҡлау һәм ремонтлау өсөн яуаплы кешене шулай тип атайҙар — байрам айы ошонан сығып билдәләнә^[1].

Ҡорал эшләүселәр көнө 2010 йылда булдырылған. Һөнәри байрамды булдырыу инициаторҙары Ижевск, Ковров, Тула һәм Климовск ҡорал эшләүселәре булды. 2010 йылдың майында премьер-министр В. В. Путин эш сәфәре менән «Ижмаш» оборона предприятиеһына барып, етештереү цехтары менән танышты, предприятие хеҙмәткәрҙәре менән аралашты һәм Рәсәй Машина эшләүселәр Союзы ағзаһы, билдәле конструктор [[Скрыть/показать содержание Калашников Михаил Тимофеевич|Михаил Тимофеевич Калашников]] менән осрашты. М. Калашников Рәсәйҙең иң ҙур ҡорал эшләү коллективтарының теләген — Ҡорал эшләүселәр көнөн булдырыуҙы тапшырҙы, сөнки был дата төрлө төбәктәрҙән һөнәрмәндәр осрашып, тәжрибә уртаҡлашыу һәм хеҙмәттәшлек мәсьәләләрен тикшереү өсөн ярашлы булыр ине тип иҫәпләне. Был инициатива менән Рәсәй Федерацияһы Хөкүмәтенә Рәсәй ҡорал эшләүселәр Союзы етәкселеге лә мөрәжәғәт иткән булған. Оборона-сәнәғәт комплексының бөтә хеҙмәткәрҙәре, Рәсәй ҡорал етештереүселәре, ҡорал эшләү тарихын өйрәнеүсе һәм традицияларын өйрәнеүсе белгестәрҙең һөнәри байрамы 19 сентябрь көнөндә билдәләнә башлаған, был дата 2011 йылдың 3 декабрендә Рәсәй Федерацияһы Президенты Д. А. Медведевтың «Ҡорал эшләүселәр көнөн булдырыу тураһында»ғы Указы менән раҫланған^[2]..

Рәсәй Президенты Д. А. Медведевтың ошо Указында Ҡорал эшләүселәр көнөндәге маҡсат түбәндәгесә билдәләнгән:

Дәүләттең һаҡланыуын һәм бойондороҡһоҙлоғон тәьмин итеүгә ҡорал эшләүселәрҙең күренекле өлөшөн таныйҙар.

Байрамды үткәреүҙең төп бурыстары: ҡорал эшләү өлкәһенә талантлы йәштәрҙе йәлеп итеү, был өлкәлә яңы үҫеш юлдарын эҙләү һәм тормошҡа ашырыу, камил ҡорал төрҙәрен эшләү.

Һәр йыл 19 сентябрҙә һөнәри байрам менән ҡорал эшләүселәр, конструкторҙар, инженер-ҡорал эшләүселәр, шулай уҡ ҡорал эшләү тарихын һәм рус хәрби арсенал традицияларын өйрәнеүселәр ҡотлауҙар ҡабул итә. Был көндә митингылар, концерттар, байрам марштары һәм тармаҡҡа бәйле саралар уҙғарыла^[1].