Ҡыш бабай һәм һоро бүре (йәнһүрәт, 1978)
«Ҡыш бабай һәм һоро бүре» (рус. Дед Мороз и серый волк) — 1978 йылда режиссёр-мультипликатор Витольд Бордзиловский төшөргән совет йәнһүрәте. Шул уҡ исемле 1937 йылда яҙылған йәнһүрәттең ремейкы (ул үҙ сиратында «Бүре һәм ете кәзә» әкиәте сюжетының үҙгәртелгән варианты) һәм шул уҡ ваҡытта Ҡыш бабай[1] әүҙем ҡатнашҡан «Бер тоҡ алма» йәнһүрәтенең Яңы йыл дауамы (сиквел)[2].
«Шыршылар ҡабынғанда» альманахының тәүге сюжеты булып тора. «Twic Lyrec» компанияһы 1990-сы йылдарҙың икенсе яртыһында йәнһүрәт мотивтары буйынса Александр Пожаровтың аудиокассеталарға яҙҙырылған тексы менән аудио-әкиәт сығара.
Сюжеты
Ҡыш бабай урман хайуандарына Яңы йылға бүләктәр әҙерләгән, ә Һоро бүре менән Ҡарға ҡуян балаларын урлау планы уйлап таба. Бының өсөн Ҡарға Ҡыш бабайҙың иғтибарын ситкә йүнәлтә, ә Бүре уның байрам кейемен һәм бер тоҡ бүләген урлай. Шунан, кейемдәрен алмаштырып, Ҡыш бабай водителе Ҡар бабайҙы (Снеговикты) алдайҙар һәм Бүре менән Ҡарға ҡуяндар яғына юл тоталар. Ҡар бабай яуыздарҙы тиҙ генә фаш итә, ләкин Ҡарға уның танауын урлап өлгөрә, ә Бүре, арттан килеп, тоҡ менән емерә һуға.
Был ваҡытта ата ҡуян менән инә ҡуян шыршы алырға китә, балаларына бер кемгә лә ишек асмаҫҡа ҡушҡандар. Ә Бүре Ҡыш бабай кейемендә килгәс, әлбиттә, ҡуян балалары Ушастик, Пушистик, Звонок һәм Прыгунок шатланған һәм ишек асып индерәләр. Бүләк алыу өсөн үҙҙәре үк тоҡҡа ингәндәр. Тик мейес аҫтында ҡуян ҡыҙы Лапочка ғына йәшеренеп ҡала.
Балалары юғалғанын белгәс, ҡуяндар илап башлай, тап бына ошо мәлдә уларҙы Ҡыш бабай күрә, эштең ниҙә икәнен белеп ҡалып, бөтә урманға хәбәр һала. Оҙаҡламай ҡоштар, тейендәр һәм айыу балалары, Бүре менән Ҡарғаны күреп ҡалып, шау-шыу ҡуптара. Ҡарғаға ҡар бәреп, бер нисә тапҡыр тигеҙгәс, ул осоп китә. Ә Ҡыш бабай менән ҡуян ҡыҙы Лапочка менән, Ҡар бабайҙы өр-яңынан йыйып, машинала бүреләрҙе ҡыуып етәләр һәм ҡуян балаларын ҡотҡаралар. Улар Яңы йыл байрамына ваҡытында ғына килеп, хайуандарға бүләктәр тапшырып өлгөрәләр.
Ролдәргә тауыш ҡуйыусылар
- Анатолий Папанов — Бүре
- Борис Владимиров — Ҡарға
- Георгий Вицин — Ҡуян (титрҙарҙа — «Г. Вицын»)
- Мария Виноградова, Маргарита Корабельникова — ҡуян балалары
- Анатолий Соловьёв — Ҡыш бабай
- Ольга Громова — Инә ҡуян / Ҡарһылыу
- Готлиб Ронинсон — Ҡар бабай
Баҫма
1990-сы йылдарҙың икенсе яртыһында Twic Lyrec нәшриәте Александр Пожаровтың тексы менән шул уҡ исемдәге йәнһүрәт буйынса аудиоәкиәтен аудиокассеталарҙа сығара.
Яңынан нәшер итеү
Йәнһүрәт күп тапҡыр VHS һәм DVD-ла йәнһүрәттәр йыйынтыҡтары итеп яңынан нәшер ителә:
- «Яңы йыл шыршыһы байрамы» (1991), «Ҙур план» VHS дистрибьюторы, кассеталағы йәнһүрәттәр: «Шыршы ҡабынғанда», «Яңы йыл сәйәхәте», «Снеговик-почта ташыусы»
- Союзмультфильм. 7-се йыйынтыҡ (1995), «Союз» дистрибьюторы, VHS. Кассета менән йәнһүрәттәр: «Ҡыш бабай һәм йәй» (1969), «Көмөш тояҡлы» һәм «Яңы йыл һылыуҡайы».
- «Яңы йыл менән!», «Союз» дистрибьюторы, «Шыршы ҡабынғанда» (1950—1955, 1978), «Ҡыш бабай һәм йәй» (1969), «Ҡыш бабай һәм һоро бүре» (1978), «Ҡарһылыу» (1969) исемле йәнһүрәттәр дискыла.
Иҫкәрмәләр
- ↑ Георгий Бородин. Образ Деда Мороза в российской анимации Архивная копия от 23 сентябрь 2015 на Wayback Machine октябрь 2007
- ↑ Георгий Бородин. «Новогодняя анимация» Архивная копия от 8 ноябрь 2012 на Wayback Machine. Аниматор.ру.
Һылтанмалар
- «Дед Мороз и серый волк» на «Аниматор.ру»
- «Дед Мороз и серый волк» (инг.) Internet Movie Database сайтында