Әбүзәров Марат Тәлғәт улы

Әбүзәров Марат Тәлғәт улы (30 апрель 1958 йыл, Башҡорт АССР-ының Ғафури районы Ташаҫты ауылы — 21 июль 1996 йыл, Өфө ҡалаһы) — журналист, комсомол һәм дәүләт органдары хеҙмәткәре, йәмәғәтсе. 1980 йылдан «Совет Башҡортостаны» гәзите хәбәрсеһе, бүлек мөдире, 1982 йылдан «Ленинсы»—«Ленинец» гәзите мөхәррире, 1989 йылдан ВЛКСМ-дың Башҡортостан өлкә комитеты хеҙмәткәре, 1990—1996 йылдарҙа Башҡортостан Республикаһының Дәүләт Йыйылышы — Ҡоролтай Секретариатының редакция-нәшриәт секторы мөдире, матбуғат хеҙмәте етәксеһе. 1981 йылдан СССР Журналистар союзы ағзаһы. ВЛКСМ-дың 20-се съезы (Мәскәү, 1987) делегаты. Башҡорт АССР-ы Юғары Советы Президиумының Почёт грамотаһы менән бүләкләнеүсе (1977).