Әминева Гөлиә Карам ҡыҙы
Әминева Гөлиә Карам ҡыҙы (1 апрель 1959 йыл) — төҙөүсе-инженер-ғалим. 2006 йылдан Өфө дәүләт нефть техник университеты уҡытыусыһы, Юғары уҡыу йортона тиклемге белем биреү үҙәге директорының уҡытыу методик эштәр буйынса урынбаҫары, 2017 йылдан — Ғәмәли квалификациялар үҙәге директоры[1]. Техник фәндәр докторы (2007), профессор. Башҡортостан Республикаһының атҡаҙанған халыҡ мәғарифы хеҙмәткәре (2003) һәм мәғариф отличнигы (1999).
Биографияһы
Гөлиә Карам ҡыҙы Әминева 1959 йылдың 1 апрелендә Башҡорт АССР-ының Илеш районы Гремучий Ключ ауылында тыуған[2].
1980 йылда Өфө нефть институтын тамамлай һәм «Башкиргражданпроект» проект институтында хеҙмәт эшмәкәрлеген башлай.
1984 йылдан хәҙерге Өфө яғыулыҡ‑энергетика колледжы уҡытыусыһы, 2000 йылдан — уҡыу‑уҡытыу бүлеге, 2003 йылдан — Өҫтәлмә белем биреү үҙәге мөдире[2].
2006 йылдан Өфө дәүләт нефть техник университеты уҡытыусыһы, Юғары уҡыу йортона тиклемге белем биреү үҙәге директорының уҡытыу-методик эштәр буйынса урынбаҫары, 2017 йылдан — Ғәмәли квалификациялар үҙәге директоры[1].
Фәнни эшмәкәрлеге
Ғалимдың тикшеренеүҙәре үҫемлектәрҙең үҫеүен көйләгестәрҙе, поливинилхлорид өсөн химикат‑өҫтәмәләр, инновацион педагогик технологиялар булдырыуға арналған. Ул 140-тан ашыу фәнни хеҙмәт һәм алты уйлап табыу авторы.
Ғилми хеҙмәттәре
- Природа и экология Башкортостана — крупнейшего центра ТЭК России. 2 е изд., перераб. и доп. Уфа, 2006 (авторҙаш).
- Современные химические средства защиты растений. В 3 т. Т.3. Стимуляторы корнеобразования, адаптанты, ретарданты. Уфа, 2006 (авторҙаш).
Маҡтаулы исемдәре һәм башҡа бүләктәре
- Башҡортостан Республикаһының атҡаҙанған халыҡ мәғарифы хеҙмәткәре (2003)
- Башҡортостан Республикаһының мәғариф отличнигы (1999).
Иҫкәрмәләр
- ↑ 1 2 Уфимский государственный нефтяной технический университет. Центр прикладных квалификаций. Директор — Аминова Гулия Карамовна (рус.) (Тикшерелеү көнө: 3 апрель 2024)
- ↑ 1 2 «Башҡортостан» төбәк интерактив энциклопедик порталы. ӘМИНЕВА Гөлиә Карам ҡыҙы (Тикшерелеү көнө: 3 апрель 2024)
Һылтанмалар
- Әминева Гөлиә Карам ҡыҙы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 3 апрель 2024)
- Федеральное государственное бюджетное образовательное учреждение высшего образования «Уфимский государственный нефтяной технический университет». Руководство. Педагогический (научно-педагогический) состав
- Уфимский государственный нефтяной технический университет. Центр прикладных квалификаций (рус.) (Тикшерелеү көнө: 3 апрель 2024)
- Итоги конкурса статей, посвященных 10-летию электронного издания «Нанотехнологии в строительстве:научный интернет-журнал»