Азаров Тимофей Михайлович

Тимофей Михайлович Азаров 1952 йылдың 12 октябрендә Брянск өлкәһе Брасовский районының Жучок ауылында тыуған^[1]. Атаһы балта оҫтаһы, әсәһе һауынсы була. 1961 йылда Азаровтар ғаиләһе артабан даими йәшәүгә Һарытау өлкәһенә күсенә^[2].

Мәктәптә уҡығанда үҫмер егет йәмәғәт эштәрендә әүҙем ҡатнаша. 8-се синыфта мәктәптең комсомол ойошмаһы секретары итеп һайлана^[2]. Техника менән мауыға, электроника менән ҡыҙыҡһына^[2].

1971 йылда, бер урынға ете кешелек конкурсты уңышлы үтеп, Г. К. Орджоникидзе исемендәге Ырымбур юғары зенит-ракета команда училищеһына^[3] ҡабул ителә. "Отлично"го уҡый. Ғәҙәти курсант стипендияһы 3 һум 78 тин булғанда, өс йыл дауамында ошо училищены тамамлаған Советтар Союзы Геройы сержант Шакиров исемендәге 78 һум күләмендәге юғары стипендия ала^[2]. Был хәрби юғары уҡыу йортон 1975 йылда тамамлай һәм артабан хеҙмәт итеү өсөн Карпат яны хәрби округына, һауа һөжүменә ҡаршы оборона часына ебәрелә^[1]. Тиҙҙән батарея командиры итеп тәғәйенләнә: СССР Ҡораллы Көстәрендә ошо вазифалағы иң йәш лейтенант була^[2].

1985 йылдан — Ҡоро ер ғәскәрҙәренең Һауа һөжүменә ҡаршы оборона хәрби академияһы тыңлаусыһы. 1988 йылда уҡыуын тамамлағас, отличник булғаны өсөн^[2], хеҙмәтен дауам итергә Венгрия биләмәләрендә урынлашҡан Көньяҡ ғәскәрҙәр төркөмөнә ебәрелә^[1], бында зенит-ракета бригадаһы командиры урынбаҫары итеп тәғәйенләнә^[4].

1991 йылдан — Волга буйы-Урал хәрби округының Башҡортостандың Алкин ҡасабаһында урынлашҡан зенит-ракета бригадаһы командиры.

1995 йылдан — Башҡортостан Республикаһы Өфө ҡалаһының Калинин районы хәрби комиссары.

1996 йылдан — Башҡортостан Республикаһы хәрби комиссары урынбаҫары — хәрби комиссариаттың 1-се (мобилизация) бүлеге начальнигы.

2001—2009 йылдарҙа Башҡортостан Республикаһының хәрби комиссары.

Донъяла бөйөк держава тип илде алдынғы иҡтисады һәм фәне өсөн генә түгел, ә заманса ҡорал менән ҡоралланған, профессиональ әҙерлекле һәм Ватанға тиңһеҙ тоғро армияһы өсөн дә таныйҙар. Рәсәй өсөн был постулат уның тарихының бөтә замандарында ла актуаль. Йәштәребеҙ хәрби училищеларға уҡырға инеүселәр һаны һәм сифаты буйынса алдынғы урындарҙы биләй, иң мөһиме — беҙҙең төбәк оборона аңын юғалтмаған. Иҫегеҙҙә тотоғоҙ, хәрби кешеһеҙ илебеҙ йәшәй алмай. Тимофей Азаров.

Оригинал текст  (рус.)  

Великой державой в мире признают страну не только потому, что у нее передовая экономика и наука, но и мотивированная, вооруженная современным оружием, профессионально подготовленная и беспримерно преданная своей Отчизне армия. Для России этот постулат актуален во все времена ее истории. Наша молодежь занимает передовые места по количеству и качеству поступающих в военные училища, самое главное — наш регион не потерял оборонное сознание. Помните, что без военного человека наша страна жить не может.Тимофей Азаров

• Башҡортостан Республикаһы Генералдар һәм адмиралдар союзының идара ағзаһы^[5].

• Почёт ордены
• Салауат Юлаев ордены
• I дәрәжә «Фиҙаҡәр хеҙмәте өсөн» миҙалы
• II дәрәжә «Фиҙаҡәр хеҙмәте өсөн» миҙалы
• III дәрәжә «Фиҙаҡәр хеҙмәте өсөн» миҙалы
• башҡа миҙалдар