Амангилдина Дамира Зәйнетдин ҡыҙы
Дамира Зәйнетдин ҡыҙы Амангилдина (рус. Дамира Зайнетдиновна Амангильдина; 1975 йылдың 30 авгусы, Хәлил, Әбйәлил районы, Башҡорт АССР-ы, СССР) — совет, Рәсәй бейеүсеһе. Башҡортостан Республикаһының атҡаҙанған артисы (2012).
Биографияһы
1975 йылдың 30 авгусында Башҡорт АССР-ының (1992 йылдан Башҡортостан Республикаһы) Әбйәлил районы Хәлил ауылында тыуған.
1996 йылда Стәрлетамаҡ Мәҙәниәт техникумына уҡырға инә. Шул уҡ йылдан Стәрлетамаҡ дәүләт театр-концерт ойошмаһы хеҙмәткәре, Стәрлетамаҡ Бейеү театры солисы[1].
Театр составында Мәскәү, Санкт-Петербург ҡалаларында, Германия, Бельгия, Голландия, Төркиәлә гастролдә була[2].
Балетмейстер булараҡ, Стәрлетамаҡ башҡорт драма театрында «Атты ектем! Айға осам…», «Ләсәй», «Әләпле артистары» комедиялары, «Ҡатынымдың исеме Морис», «Ҡуштирәк» спектаклдәрен хореографик яҡтан биҙәй[2].
Ғаиләһе
- Апаһы — Римма Амангилдина (1972) — йырсы. Хөсәйен Әхмәтов исемендәге Башҡорт дәүләт филармонияһының артист-вокалсыһы. Башҡортостан Республикаһының халыҡ артисы (2012).
- Улы — Илгиз[1].
Маҡтаулы исемдәре һәм башҡа наградалары
- Башҡортостан Республикаһының атҡаҙанған артисы (2012)[1].
Иҫкәрмәләр
- ↑ 1 2 3 Дамира Амангилдина: “Бейеүҙәрҙә – минең асылым...”. ye102.ru. Мөрәжәғәт итеү датаһы: 4 август 2026.
- ↑ 1 2 Дамира Амангилдина: “Төштәремдә бейеп уянам”. shonkar.comg. Мөрәжәғәт итеү датаһы: 4 август 2026.