Анощенков Андрей Иванович
| Андрей Иванович Анощенков | ||
|---|---|---|
| Файл:Анощенков Андрей Иванович герой РФ.jpg | ||
| Тыуған ваҡыты | 16 февраль 1969 | |
| Тыуған урыны | Архангельск | |
| Үлгән ваҡыты | 15 август 1999 (30 йәш) | |
| Вафат урыны | село Ботлих, Дагестан | |
| Хеҙмәт иткән урыны |
 Рәсәй Федерацияһы |
|
| Ғәскәр төрө | авиация | |
| Хәрби звание |
Ҡалып:ВКС, Майор майор |
|
| Хәрби алыш/һуғыш | Икенсе чечен һуғышы | |
| Наградалар һәм премиялар |
|
|
| Связи |
Орлов, Андрей Борисович, Анощенков, Фёдор Григорьевич |
|
Ано́щенков Андре́й Ива́нович (16 февраль 1969 йыл — 15 август 1999 йыл) — Рәсәй Эске эштәр министрлығының эске ғәскәрҙәренең хәрби осоусыһы, майор, икенсе чечен һуғышында ҡатнаша, Рәсәй Федерацияһы Геройы (26.08.1999, үлгәндән һуң)[1].
Биографияһы
Андрей Анощенков 1969 йылдың 16 февралендә Архангельскиҙа тыуа. Советтар Союзы Геройы Анощенков Фёдор Григорьевичтың ейәне. 1986 йылда Архангельскиҙа 55-се урта мәктәпте тамамлай. 1991 йылда осоусыларҙың Өфө юғары хәрби авиация училищеһы дипломын алып сыға. Рәсәй Федерацияһы Эске эштәр министрлығының Эске ғәскәрҙәрендә Төньяҡ Кавказ округында хеҙмәт итә. Күп тапҡырҙар Төньяҡ Кавказдағы хәрби операцияларҙа ҡатнаша. 1999 йылдың авгусына ҡарата майор Андрей Анощенков авиазвено штурманы — авиаэскадрилья вертолетының өлкән осоусыһы була[2].
1999 йылдың 11 авгусында «Ми-8» вертолеты экипажы юғары команда составын алып йөрөй. Борттың өлкән осоусыһы Анощенков була. Көндөҙ 4 тула 17 минутта Дағстандың Ботлих ауылы эргәһенә ултырғанда вертолетҡа күсмә зенит-ракета комплексы (ПРЗК) ракетаһы эләгә. Осоусылар янған машинаны ергә ултырта һәм яралыларҙы алып сыға. Табиптарҙың тырышлығына ҡарамаҫтан, тәненең күп өлөшө янған Анощенков 15 августа вафат була. Дондағы Ростовта ерләнә[2].
Рәсәй Федерацияһы Президентының 1999 йылдың 26 авгусындағы 1115-се Указы менән майор Андрей Анощенков Рәсәй Федерацияһы Геройы исеменә лайыҡ була.
Хәтер
Мәңгелеккә эскадрильяның личный составы исемлегенә индерелә. Архангельскиҙа бер тыҡрыҡҡа Анощенков исеме бирелә, үҙе уҡып сыҡҡан 55-се мәктәп уның исемен йөрөтә[2].
Иҫкәрмәләр
- ↑ Анощенков Андрей Иванович // Авиационная энциклопедия в лицах / Отв. А. Н. Ефимов. — Москва: Барс, 2007. — С. 44. — 712 с. — ISBN 978-5-85914-075-6.
- ↑ 2,0 2,1 2,2 Анощенков Андрей Иванович. «Герои страны» сайты.
Литература
- Герои России МВД РФ. — М., 2002.
- Герои нашего времени (О Героях России — уроженцах и жителях Республики Башкортостан) / авт.-сост. Е. А. Смирнов. — Уфа: Китап, 2016. — 327 с. : илл. ISBN 978-5-295-06554-5.
- Арипов Г. Г. Вечная слава павшим героям. — Махачкала, 2009 — С. 152—154.
- Алфавит буйынса шәхестәр
- 16 февралдә тыуғандар
- 1969 йылда тыуғандар
- Архангельскиҙа тыуғандар
- 15 августа вафат булғандар
- 1999 йылда вафат булғандар
- Ботлихта вафат булғандар
- Майорҙар (Рәсәй)
- Рәсәй Федерацияһы Геройҙары
- Хәрби осоусылар
- Икенсе чечен һуғышында һәләк булыусылар
- Дондағы Ростовта ерләнгәндәр
- Рәсәй Эске эштәр министрлығының эске ғәскәрҙәре хәрби хеҙмәткәрҙәре
- Дағстан һуғышында ҡатнашыусылар