Антошкин Виктор Николаевич
Антошкин Виктор Николаевич (26 сентябрь 1956 йыл) — ғалим-социолог. 1986 йылдан Башҡортостан ауыл хужалығы институты, 1989 йылдан — Башҡорт дәүләт университеты, 1991 йылдан Башҡорт дәүләт педагогия институты һәм М. Аҡмулла исемендәге Башҡорт дәүләт педагогия университеты уҡытыусыһы. Философия фәндәре кандидаты (1990), социология фәндәре докторы (2005), профессор (2011).
Биографияһы
Виктор Николаевич Антошкин 1956 йылдың 26 сентябрендә Башҡорт АССР-ының Фёдоровка районы Бала Сытырман ауылында тыуған.
Мәктәпте тамамлағас, Башҡорт дәүләт университетына уҡырға керә. Юғары уҡыу йортон тамамлағас, 1983 йылда Ырымбур өлкәһе Орск ҡалаһының 31-се мәктәбенә эшкә юллана. 1986 йылда Өфөгә килә. Башҡортостан ауыл хужалығы институтында юғары һөнәри белем бирә. 1989 йылдан алып Башҡорт дәүләт университетында уҡыта. 1991 йылдан башлап БДПУ-ла эшләй.
Фәнни хеҙмәттәре соционика, идара итеү, коммуникациялар һәм белем биреү социологияһына арналған.
110‑дан ашыу фәнни хеҙмәт авторы.
Хеҙмәттәре
- Развитие российского общества: социальные законы и социальная модернизация. Уфа, 2007;
- Отношения в системе образования: социальные, психологические, информационные аспекты. Уфа, 2009 (авторҙаш).
Иҫкәрмәләр
Һылтанмалар
- Антошкин Виктор Николаевич // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 24 сентябрь 2021)
- https://proprepoda.com/profs/3qg-antoshkin-viktor-nikolaevich