Арямнова Елена Анатольевна
Елена Анатольевна Арямнова (1986 йылдың 8 ғинуары, Бөрө ҡалаһы, Башҡорт АССР-ы) — журналист, йәмәғәтсе. Башҡортостан Республикаһының VI саҡырылыш (2018—2023) Дәүләт Йыйылышы — Ҡоролтай депутаты, Мәғариф, мәҙәниәт, йәштәр сәйәсәте һәм спорт комитеты ағзаһы. Башҡортостан Республикаһының Матбуғат һәм киң мәғлүмәт саралары агентлығы етәксеһенең беренсе урынбаҫары (2023 йылдан).
Биографияһы
Елена Анатольевна Арямнова 1986 йылдың 8 ғинуарында Башҡорт АССР-ының Бөрө ҡалаһында тыуа.
Юғары белемле — Бөрө дәүләт социаль-педагогия академияһын тамамлай. 2011 йылда Рәсәй дәүләт социаль университетында белемен камиллаштыра.
Хеҙмәт эшмәкәрлеген 2008 йылда башлай, Башҡортостан Республикаһының киң мәғлүмәт сараларында журналист булып эшләй.
2013—2019 йылдарҙа — Башкортостандың «Офис-группа» Конгресс-бюроһы АНО-һында йәмәғәтселек менән бәйләнештәр буйынса департаментың баш эксперты.
2019—2020 йылдарҙа — Башҡортостан Республикаһын үҫтереү корпорацияһы матбуғат хеҙмәтенең бүлек начальнигы.
2020 йылдан — «Башинформ» мәғлүмәт агентлығының баш мөхәррир урынбаҫары.
«Башҡортостан Республикаһының Йәш журналист мәктәбе» проекты авторы.
2019–2020 йылдарҙа — Башҡортостан Республикаһы Үҫеш корпорацияһының матбуғат хеҙмәте идаралығы начальнигы.
2020–2023 йылдарҙа — «Башинформ» мәғлүмәт агентлығының баш мөхәррире урынбаҫары.
2021—2023 йылдарҙа — «Берҙәм Рәсәй — Башҡортостан» гәзитенең баш мөхәррире, бер үк ваҡытта «ЭР-Медиа» яуаплылығы сикләнгән йәмғиәтенең баш мөхәррире вазифаһын башҡара.
2023 йылдан — Башҡортостан Республикаһының Матбуғат һәм киң мәғлүмәт саралары агентлығы етәксеһенең беренсе урынбаҫары[1][2].
Йәмәғәт эшмәкәрлеге
Башҡортостан Республикаһы Дәүләт Йыйылышы — Ҡоролтайҙың 6-сы һәм 7-се саҡырылыш депутаты. 7-се саҡырылышта, дәүләт хеҙмәтенә күсеү сәбәпле, депутат мандатын һала.
Маҡтаулы исемдәре һәм башҡа бүләктәре
- Башҡортостан Республикаһы Дәүләт Йыйылышы — Ҡоролтайҙың Маҡтау ҡағыҙы.
- Башҡортостан Республикаһы Хөкүмәтенең Маҡтау ҡағыҙы.
- Башҡортостан Республикаһы Башлығының Рәхмәт хаты.
- «AVANTE» ҡала йәштәр йәмәғәт премияһының «Йыл йәштәр лидеры» номинацияһы лауреаты.
Иҫкәрмәләр
- ↑ Арямнова Елена Анатольевна (рус.), Единая Россия. 26 ғинуар 2026 тикшерелгән.
- ↑ Арямнова Елена Анатольевна. Агентство по печати и средствам массовой информации Республики Башкортостан. Мөрәжәғәт итеү датаһы: 26 ғинуар 2025.
Һылтанмалар
- Башҡортостан Республикаһы Дәүләт Йыйылышы — Ҡоролтайы депутаты Арямнова Елена Анатольевна
- Башҡорт дәүләт университетының Бөрө филиалын тамамлаусылар: Арямнова Елена Анатольевна
- «Берҙәм Рәсәй — Башҡортостан» гәзитенең баш мөхәррире. Арямнова Елена Анатольевна
- "Тере журнал"да шәхси блогы
Тема буйынса өҫтәмә
 |
|---|
