Баринов Игорь Вячеславович
Ба́ринов Игорь Вячеславович (22 май 1968 йыл) — хәрби хеҙмәткәр һәм дәүләт органдары хеҙмәткәре, йәмәғәтсе. 2015 йылдан Рәсәйҙең Милләттәр эштәре буйынса федераль агентлыҡ етәксеһе. Рәсәй Федерацияһының 4-6-сы саҡырылыш Дәүләт думаһы депутаты (2003—2011). 2008—2010 йылдарҙа «Берҙәм Рәсәй» Төбәк-ара координация советының Урал федераль округы буйынса етәксеһе. 2010 йылдан «Берҙәм Рәсәй» партияһы Генераль советы Президиумының эшмәкәрлеген һәм «Берҙәм Рәсәй» депутат фракциялары менән бәйләнешен координациялау буйынса комиссия рәйесе. Рәсәй Федераль именлек хеҙмәтенең запастағы полковнигы.
Биографияһы
Игорь Васильевич Баринов 1968 йылдың 22 майында Ростов өлкәһенең Новочеркасск ҡалаһында тыуа. Хәрбиҙәр нәҫеленән. Атаһы — полковник Вячеслав Георгиевич Баринов, әсәһе — Светлана Ивановна Баринова, инженер-төҙөүсе.
1990 йылда Октябрҙең 60 йыллығы исемендәге Новосибирск юғары хәрби команда училищеһын яҡшы билдәләренә тамамлай һәм Һауа-десант ғәскәрҙәренә йүнәлтелә. 1990—1992 йылдарҙа Витебск ҡалаһында 103-сө гвардия һауа-десант дивизияһында хеҙмәт итә.
1993—2003 йылдарҙа Федераль именлек хеҙмәте органдарында эшләй, һуңғы вазифаһы — «Альфа» төбәк төркөмө командиры. Күп тапҡырҙар ғәҙәттән тыш хәлдәр килеп тыуған райондарға командировкаларҙа була, Чечен Республикаһы территорияһында терроризмға ҡаршы операцияла ҡатнаша, өс тапҡыр яралана.
2003 йылда Рәсәйҙең Федераль именлек хеҙмәте академияһын тамамлай.
2004 йылдан «Берҙәм Рәсәй» партияһы ағзаһы[1].
2009 йылдың 18 сентябрендә «Берҙәм Рәсәй» партияһының Урал бүлексәһе лидерҙары үҙәк аппараттың Бариновты Ҡурған өлкәһе губернаторы итеп күрһәтеү тураһындағы ҡарарын хуплай[2].
2015 йылдың 2 апреленән — Милләттәр эштәре буйынса федераль агентлыҡ етәксеһе. Шул уҡ көндө РФ Дәүләт Думаһы депутаты мандатын һала.
Рәсәй Федерацияһы Федераль Йыйылышының Дәүләт Думаһында Свердловск өлкәһенән депутат итеп һайлана. Ил парламентында өс саҡырылыш эшләү дәүерендә Оборона буйынса комитет рәйесе урынбаҫары, Коррупцияға ҡаршы закондар менән тәьмин итеү буйынса комиссия ағзаһы, федераль бюджеттың Рәсәй Федерацияһының дәүләт именлеген һәм оборонаһын тәьмин итеүгә йүнәлтелгән сығымдарын тикшереү буйынса комиссия рәйестәше була. «Берҙәм Рәсәй» партияһының Үҙәк Контроль-ревизия комиссияһы, «Свой дом» проектын тормошҡа ашырыу буйынса координация советы, алданған өлөшсөләргә ярҙам күрһәтеү буйынса партия Генераль Советы Президиумының эшсе төркөмө, күскенселәр һәм сит илдәрҙә йәшәгән ватандаштар менән эшләү буйынса «Берҙәм Рәсәй» фракцияһы ҡарамағындағы Йәмәғәт советы ағзаһы итеп һайлана.
Ғаиләһе
Өйләнгән, дүрт бала атаһы.
Маҡтаулы исемдәре һәм башҡа бүләктәре
- 4-се дәрәжә «Ватан алдындағы хеҙмәттәре өсөн» ордены
- Александр Невский ордены (2018)[3]
- Ҡаһарманлыҡ ордены
- «Хәрби ҡаҙаныштары өсөн» ордены
- Суворов миҙалы
- II дәрәжә «Хәрби хеҙмәттәге отличие өсөн» миҙалы
- III дәрәжә «Хәрби хеҙмәтәтге отличие өсөн» миҙалы
- «Хәрби берҙәмлект нығытҡан өсөн» миҙалы
Иҫкәрмәләр
- ↑ Баринов Игорь Вячеславович (краткая биография на сайте Свердловского регионального отделения партии «Единая Россия», на 11.10.2007) 2008 йылдың 9 ғинуар көнөндә архивланған. (проверено 18.11.2008)
- ↑ Уральские «единороссы» поддержали выдвижение Игоря Баринова в курганские губернаторы, «Новый регион», 18.09.2009. Мөрәжәғәт итеү датаһы: 29 ноябрь 2009. Архивировано из оригинала 23 май 2013 года.
- ↑ Указ Президента Российской Федерации от 10.09.2018 № 513 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Мөрәжәғәт итеү датаһы: 25 сентябрь 2021. Архивировано 10 сентябрь 2018 года.
Һылтанмалар
Тема буйынса өҫтәмә
 |
|---|
