Бикбаев Азамат Иҙебай улы

1986 йылдың 9 июнендә Башҡорт АССР-ының Белорет ҡалаһында күп балалы спортсылар ғаиләһендә тыуған^[10][11].

Өс өлкән ағаһы өлгөһөндә Белорет спорт мәктәбендә грек-рим көрәше менән шөғөлләнә башлай. Стәрлетамаҡ физик культура институтын (Урал дәүләт физик культура университетының филиалы) һәм Башҡорт дәүләт аграр институтын тамамлай. Спорт карьераһы дауамында Рәсәйҙең атҡаҙанған тренеры Валерий Коробов етәкселегендә шөғөлләнә, Белорет районы спорт мәктәбе һәм Өфөләге Башҡортостан Республикаһының Олимпия резервы спорт мәктәбе өсөн сығыш яһай, шулай уҡ 3-сө Төҙөлөш тресы ярҙамы менән ярыштарҙа ҡатнаша^[11][12].

Рәсәй Федерацияһы Спорт, туризм һәм йәштәр сәйәсәте министрлығының 2012 йылдың 20 апрелендәге 63-нг һанлы бойороғо менән «Рәсәйҙең халыҡ-ара класлы спорт мастеры» исеме бирелә^[13].

Лондонда үткән 2012 йылғы ХХХ Олимпиада һәм Рио-де-Жанейрола үткән 2016 йылғы ХХХI Олимпиада уйындарында ҡатнашыу өсөн Рәсәй олимпия йыйылма командаһы кандидаттарының киңәйтелгән исемлегенә инә^[10].

Юғары кимәлдәге спорт карьераһын тамамлағандан һуң тренерлыҡ эшенә күсә. Башҡортостан Республикаһы ябыҡ административ-территориаль берәмеге Межгорье ҡалаһы ҡала округының «„Юность“ спорт мәктәбе» муниципаль автономиялы өҫтәмә белем биреү учреждениеһында тренер-уҡытыусы булып эшләй, Рәсәй Ғәҙәттән тыш хәлдәр министрлығының 103-сө Федераль янғын һүндереү хеҙмәте махсус идаралығы өсөн сығыш яһай, ведомство ярыштарында еңеүсе була һәм «Межгорье ЗАТО-һының иң яҡшы спортсыһы» исеменә лайыҡ була^[14][15].

«Юность» спорт мәктәбенең тренеры-уҡытыусыһы булараҡ грек-рим көрәше буйынса уҡыу-күнекмә дәрестәре алып бара, республика үҫмерҙәр беренселектәренең еңеүселәрен һәм призёрҙарын әҙерләй, Белорет һәм Межгорье ҡалаларында оҫталыҡ дәрестәре һәм күрһәтмә күнекмәләр үткәрә^[14].

• 1 ! Грек-рим көрәше буйынса Рәсәй чемпионы (2014) — 85 кг-ға тиклемге ауырлыҡ категорияһы^[8];
• 1 ! Команда зачётында грек-рим көрәше буйынса Донъя кубогын яулаусы (2013)^[11];
• 1 ! Команда зачётында Европа милләттәре кубогын яулаусы (2012)^[16];
• 1 ! Истанбулда Вехби Эмре иҫтәлегенә бағышланған халыҡ-ара турнир еңеүсеһе (2012)^[17];
• 1 ! «Ҡаҙағстан Республикаһы Президенты кубогы» халыҡ-ара турниры еңеүсеһе (2012)^[18];
• 1 ! СССР-ҙың атҡаҙанған тренеры В. А. Борман иҫтәлегенә бағышланған Бөтә Рәсәй турниры еңеүсеһе (2018)^[19];
• 2 ! Рәсәй чемпионатының көмөш призёры (2010) — 84 кг-ға тиклемге ауырлыҡ категорияһы^[10];
• 2 ! «Иван Поддубный» Гран-при серияһы халыҡ-ара турнирының көмөш призёры (2013, 2018)^[16][20];
• 2 ! Минскиҙа Олег Караваев иҫтәлегенә бағышланған халыҡ-ара мемориалдың көмөш призёры (2016)^[21];
• 1 ! Рәсәй чемпионатының бронза призёры (2013) — 84 кг-ға тиклемге ауырлыҡ категорияһы^[22];
• 1 ! Рәсәй чемпионатының бронза призёры (2015, 2016) — 85 кг-ға тиклемге ауырлыҡ категорияһы^[16];
• 1 ! Мәскәүҙә Европа милләттәре кубогының бронза призёры (2013)^[9];
• 1 ! Баҡыла Голден Гран-при финалының бронза призёры (2012)^[23];
• 1 ! «Иван Поддубный» Гран-при серияһы халыҡ-ара турнирының бронза призёры (2011, 2012)^[16].

• «Рәсәйҙең халыҡ-ара класлы спорт мастеры» званиеһы (2012);
• «Межгорье ЗАТО-һының иң яҡшы спортсыһы» исеме (2018).

• Ҡатыны — Татьяна Бикбаева;
• Ҡыҙы — Аделина Бикбаева (2009 йылғы);
• Улы — Матвей Бикбаев^[15];
• Ағаһы — Владимир Иҙебай улы Бикбаев, грек-рим көрәше буйынса Рәсәй спорт мастеры, Башҡортостан Республикаһының Көрәш буйынса Олимпия резервы спорт мәктәбе тренеры, Бөтә Рәсәй категориялы судья;
• Ағаһы — Константин Иҙебай улы Бикбаев, грек-рим көрәше буйынса Рәсәй спорт мастеры, Белорет ҡалаһының Спорт көрәше спорт мәктәбе тренеры^[11].