Булатова Әлфирә Хәйретдин ҡыҙы

Тыуған көнө	5 март 1953 (71 йәш)
Гражданлығы	СССР; Рәсәй;
Һөнәр төрө	инженер
Маҡтаулы исемдәре һәм башҡа бүләктәре	Рәсәй Федерацияһының атҡаҙанған машина эшләүсеһе[d] (2000)
Заты	ҡатын-ҡыҙ
Тыуған урыны	Урмантау ауылы, Таймый ауыл Советы, Салауат районы, Башҡорт АССР-ы, РСФСР, СССР;
Уҡыу йорто	Өфө дәүләт авиация техник университеты;

Булатова Әлфирә Хәйретдин ҡыҙы (Ҡыҙ фамилияһы — Миңлеғәлиева^[1], 5 март 1953 йыл) — сәнәғәт эшмәкәре^[1], электр техникаһы инженеры. «Рәсәй Федерацияһының атҡаҙанған машина эшләүсеһе» (2000). Өфө моторҙар эшләү производство берекмәһенең махсус элемтә бүлеге мөдире (1998 йылдан алып).

Биографияһы[үҙгәртергә | вики-тексты үҙгәртергә]

Әлфирә Хәйретдин ҡыҙы Булатова 1953 йылдың 5 мартында Башҡорт АССР-ының Салауат районы Урмантау ауылында тыуа. 1978 йылда Өфө авиация институтын электр техникаһы инженеры һөнәре буйынса тамамлай. Хеҙмәт юлын Өфө моторҙар эшләү производство берекмәһендә башлай. 1983 йылға тиклем 25-се цехта инженер, инженер-лаборант булып эшләй. 1983—1998 йылдарҙа инженер-электронсы, өлкән инженер-электронсы, әйҙәүсе инженер-электронсы, 3-сө бүлек начальнигы була. 1998 йылдан алып махсус элемтә бүлеген етәкләй. Был бүлек берекмәнең автоматик телефон станцияларын, диспетчер бәйләнешен, радиотрансляция селтәрен, һау-янғынға ҡаршы сигнализацияны, электр таблоларын һәм башҡаларҙы ҡулланыуҙы тәьмин итә, бәйләнештә сүс-оптика линияларын үҫтереү буйынса әңҙем эшләй. Әлфирә Хәйретдин ҡыҙы тәрән белемгә һәм ҙур тәжрибәгә эйә. Оҫта ойоштороусы, һәр саҡ һөнәри кимәлен күтәреп, белемен камиллаштырып тора^[2].

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

«Берекмәнең иң яҡшы инженер-техник хеҙмәткәре» (1981)
«Рәсәй Федерацияһының атҡаҙанған машина эшләүсеһе» (2000)
Өфө моторҙар эшләү производство берекмәһенең Маҡтау ҡығыҙы (2005)
Өфө моторҙар эшләү производство берекмәһенең Рәхмәт хаттары (2011, 2013, 2018)^[2].