Бөтә донъя аҙыҡ-түлек көнө
Бөтә донъя аҙыҡ-түлек көнө ( БМО-ның башҡа рәсми телдәрендә: ингл. World Food Day, ғәр. يوم الأغذية العالمي,исп. Día Mundial de la Alimentación, ҡыт. 世界粮食日, франц. la Journée mondiale de l'alimentation) — аҙыҡ-түлек һәм ауыл хужалығы ойошмаһы (FAO)ойошторолған көн халыҡ-ара көн. Йыл һайын 16 октябрҙә билдәләнә.
Иҫтәлекле көн 1979 йылда Берләшкән Милләттәр Ойошмаһының Аҙыҡ-түлек һәм ауыл хужалығы ойошмаһы (FAO) конференцияһында иғлан ителә. Иҫтәлекле көндөң маҡсаты — халыҡтың донъя аҙыҡ-түлек мәсьәләһе тураһында хәбәрҙарлығын күтәреү һәм аслыҡҡа, аҙыҡ-түлек етмәүгә һәм ярлылыҡҡа ҡаршы көрәштә берҙәмлекте нығытыу. Был көн 1945 йылда Аҙыҡ-түлек һәм ауыл хужалығы ойошмаһы (FAO) ойошторолоу датаһына арналған.
1980 йылда Берләшкән Милләттәр Ойошмаһының Генераль Ассамблеяһы махсус резолюцияһында (№ A/RES/35/70) йыл һайын үткәрелгән Аҙыҡ-түлек көнөн хупланы.
БМО-ның 2005 йылғы Бөтә донъя аҙыҡ-түлек көнө уңайынан Генераль секретары мөрәжәғәтнамәһендә, атап әйткәндә, аҙыҡ-түлектең етерлек булыуына ҡарамаҫтан, донъяла 850 000 000-дан ашыу кеше туҡлыҡһыҙлыҡтан яфалана, тип әйтелә. Ул Мең йыллыҡ декларацияһының беренсе маҡсатына өлгәшеү өсөн тырышлыҡты ике тапҡырға арттырырға, аслыҡтан һәм фәҡирлектән яфаланған халыҡтың өлөшөн ике тапҡырға кәметергә саҡырҙы
Халыҡ-ара көндөң йыллыҡ тематикаһы
- 1999 — «Йәштәр аслыҡҡа ҡаршы»
- 2000 — «Аслыҡтан азатлыҡтың мең йыллығы»
- 2001 — «Аслыҡҡа ҡаршы көрәшеп, ярлылыҡты кәметеү»
- 2002 — «Һыу: аҙыҡ-түлек хәүефһеҙлеге сығанағы»
- 2003 — «Аслыҡҡа ҡаршы Халыҡ-ара альянс»
- 2004 — «Аҙыҡ-түлек хәүефһеҙлеге өсөн био төрлөлөк»
- 2005 — «Ауыл хужалығы һәм мәҙәниәт-ара диалог»
- 2006 — «Аҙыҡ-түлек хәүефһеҙлеген тәьмин итеү маҡсатында ауыл хужалығына инвестициялар»
- 2007 — «Аҙыҡҡа хоҡуҡ»
- 2008 — «Донъя аҙыҡ-түлек хәүефһеҙлеге: климат үҙгәреүе һәм биоэнергетика менән бәйле ҡаршылыҡтар»
- 2009 — «Кризис осоронда аҙыҡ-түлек хәүефһеҙлегенә өлгәшеү»
- 2010 — «Аслыҡҡа ҡаршы көрәштә берҙәмлек»
- 2011 — «Аҙыҡ-түлек хаҡтары: кризистан тотороҡлолоҡҡа»
- 2012 — «Ауыл хужалығы кооперативтары донъяны туйындыра»
- 2013 — «Продовольствие хәүефһеҙлеге һәм туҡланыуҙы тәьмин итеү сараһы булараҡ тотороҡло аҙыҡ-түлек системаһы»
- 2014 — «Ғаилә фермер хужалыҡтары: донъяны туйындырыу — планетаны һаҡлау»
- 2015 — «Социаль яҡлау һәм ауыл хужалығы: ауыл ярлылығынан ҡотолоу»
- 2016 — «Климат үҙгәрә, аҙыҡ-түлек һәм ауыл хужалығы ла уның менән бергә үҙгәрә»
- 2017 — «Миграция ағымдарының киләсәген үҙгәртәйек. Аҙыҡ-түлек хәүефһеҙлегенә һәм ауылды үҫтереүгә инвестиция һалырға кәрәк»