Григорьев Андрей Николаевич
.jpg)
| Һуғыш/алыш | |
|---|---|
| Гражданлығы | |
| Заты | ир-ат |
| Хәрби звание | Ефрейтор |
 | |
| Тыуған көнө | 12 май 1989 (35 йәш) |
| Һөнәр төрө | хәрби хеҙмәткәр |
| Маҡтаулы исемдәре һәм башҡа бүләктәре |
 |
| Тыуған урыны | |
Григорьев Андрей Николаевич (12 май 1989 йыл, Яҡут АССР-ының Нюрба районы Киров ауылы) — махсус хәрби операцияла «Тута» позывнойы менән ҡатнашыусы хәрби хеҙмәткәр, гвардия ефрейторы. Рәсәй Федерацияһы Геройы (2025)[1].
Биографияһы
Андрей Николаевич Григорьев Яҡутстандың Нюрба олоҫонда күп балалы ғаиләлә тыуған[2].
РФ Ҡораллы Көстәре «Көнсығыш» ғәскәрҙәр төркөмөнөң 39-сы мотоуҡсылар бригадаһында хеҙмәт итә[3][4].
Ғаиләһе
Өйләнгән, биш бала атаһы[5].
Ҡаһарманлығы
2024 йылдың ноябрендә Украина Ҡораллы көстәре Донецк Халыҡ Республикаһында Трудовое ауылын кире тартып алырға маташҡанда Андрей Григорьев украин хәрбийе менән ҡул алышына күсә. Дошмандың шлемендағы камера алышты яҙҙырып бара. 2025 йыл башында видео социаль селтәрҙәргә эләгә. Нескәлектәр шунда билдәле була. Андрей Григорьев үҙе һөйләүенсә, иптәше менән уға Трудовое ауылында Рәсәй флагын ҡуйырға ҡушыла, әммә бурысты үтәгән ваҡытта иптәше украин пулеметсыһы утына эләгеп үлә. Һуңынан украин хәрбийе Григорьевты әсирлеккә төшөргә өгөтләргә тырыша[6], әммә ул алышыуҙы хуп күрә[7]. Григорьевта яҡут бысағы була, дошманын ул шуның ярҙамында еңә. Украина яугиры уны донъялағы иң яҡшы яугир тип атай һәм үҙен ҡалдырып, «тыныс үлергә мөрхәт биреүен» һорай. Григорьев уның үтенесен үтәй. Алыштан һуң уға тағы ла алты тәүлек дошман тылында яңғыҙына йәшәү өсөн көрәшергә тура килә[8]. Рәсәй хәрбийе 14 — ярсыҡ, ике бысаҡ яраһы ала, контузиялана. Госпиталдә дауалана.
Андрей Григорьев ҡул алышында еңгән украин хәрбийенең шәхесе асыҡланған. Ул — Одесса өлкәһендә тыуған, ВСУ-ның 71-се бригадаһы яугиры, Кобра позывнойлы Дмитрий Масловский була[9].
2025 йылдың 11 ғинуарында РФ Президенты Владимир Путин Андрей Григорьевҡа, «хәрби бурысын үтәгәндәге батырлығы һәм ҡаһарманлығы өсөн» Рәсәй Федерацияһы Геройы исемен бирә[10].
Андрей Григорьев менән шул уҡ көндө Яҡутстан башлығы Айсен Николаев осраша. Ул яугирҙың үҙен герой тип һанамаған баҫалҡы йәш кеше булыуын белдерә. Әгәр видео булмаһа, моғайын, уның ҡаһарманлығы тураһында, моғайын, берәү ҙә белмәҫ ине. Осрашыу һуңында Айсен Николаев Андрей Григорьевҡа яңы яҡут бысағы бүләк итә[11].
Фекер
Андрей Григорьевтың украин хәрбийе менән алышына Америка миллиардеры Илон Маск фекерен белдереп, X социаль селтәрендә түбәндәгеләрҙе яҙа:
Ул-был була ҡалһа, минең йоҡо бүлмәһендә Беренсе донъя һуғышы осорондағы траншея бысағы тора. 1917 йылғы. Яҡын алышта пистолетҡа ҡарағанда файҙалыраҡ[12].
Наградалары
- Рәсәй Федерацияһы Геройы (2025)[13].
Иҫкәрмәләр
- ↑ Указ о присвоении звания Героя Российской Федерации ефрейтору Андрею Григорьеву. 11 ғинуар 2025 тикшерелгән.
- ↑ Татьяна Цвенгер. Глава Якутска подарил Андрею Григорьеву снегоболотоход. yakutia.kp.ru - (11 ғинуар 2025). Дата обращения: 11 ғинуар 2025.
- ↑ Козлов, Иван. Грыз зубами, бил ножом. Перед смертью солдат ВСУ восхитился якутским бойцом. 11 ғинуар 2025 тикшерелгән.
- ↑ Маск прокомментировал рукопашную схватку штурмовика из Якутии с военным ВСУ - Российская газета (4 ғинуар 2025). 11 ғинуар 2025 тикшерелгән.
- ↑ Российские ученые увеличили срок службы никелида титана с помощью наноструктурирования | Газета Балаково (билдәһеҙ). gazetabalakovo.ru. Дата обращения: 11 ғинуар 2025.
- ↑ Путин присвоил звание Героя России ефрейтору Григорьеву (11 ғинуар 2025). 11 ғинуар 2025 тикшерелгән.
- ↑ Илон Маск прокомментировал схватку якутского военного с боевиком ВСУ (4 ғинуар 2025). 11 ғинуар 2025 тикшерелгән.
- ↑ Путин присвоил звание Героя РФ бойцу Григорьеву, победившему в рукопашной - Российская газета (11 ғинуар 2025). 11 ғинуар 2025 тикшерелгән.
- ↑ Козлов, Иван. Стонал напрасно. Боец ВСУ, погибший в схватке с якутом, не дождался помощи. 11 ғинуар 2025 тикшерелгән.
- ↑ Путин присвоил звание Героя РФ ефрейтору из Якутии Андрею Григорьеву. 11 ғинуар 2025 тикшерелгән.
- ↑ Глава Якутии встретился с героем Андреем Григорьевым, прославившимся на поле боя. 11 ғинуар 2025 тикшерелгән.
- ↑ Маск неожиданно высказался о схватке штурмовика из Якутии с военным ВСУ (4 ғинуар 2025). 11 ғинуар 2025 тикшерелгән.
- ↑ Указ о присвоении звания Героя Российской Федерации ефрейтору Андрею Григорьеву. 11 ғинуар 2025 тикшерелгән.