Исхаҡов Гәрәй Усман улы

РУВИКИ интернет-энциклопедияһында Исхаҡов фамилиялы башҡа кешеләр тураһында мәҡәләләр бар.

Исхаҡов Гәрәй (Миңлегәрәй) Усман улы (25 ноябрь 1931 йыл — 24 июнь 1997 йыл) — башҡорт журналисы, яҙыусы-драматург. 1972 йылдан СССР Журналистар союзы ағзаһы, 1993 йылдан Рәсәй Федерацияһы һәм Башҡортостан Республикаһының Яҙыусылар союздары ағзаһы.

Исхаҡов Гәрәй (Миңлегәрәй) Усман улы 1931 йылдың 25 ноябрендә Башҡорт АССР-ының Ейәнсура районы Ибрай ауылында тыуған.

1952 йылдан алып Белорет районында мәҙәниәт йорто мөдире.
1955—57 йылдарҙа Ейәнсура район мәҙәниәт йортоноң художесто етәксеһе.
1958 йылдан башлап Сибай драма театрының режиссёр ярҙамсыһы.
1962 йылдан алып Сибай ҡалаһы, гәзит фотохәбәрсеһе.
1978 йыл — «Башфото „Нур“» ПБ‑ның Сибай филиалы начальнигы.

Башҡортостан Республикаһы һәм РФ театрҙарында сәхнәләштерелгән «Һайра, һандуғасым!» музыкаль драмаһы, «Яралы яҙмыш», «Аҫылташ», «Етеле шәм» һ.б. драмалар авторы.

Сибайҙа ул йәшәгән йортҡа мемориаль таҡтаташ ҡуйылған.

Исхаҡов Гәрәй Усман улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 24 ноябрь 2021)