Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Иҫәнғолова Гөлсөм Сабир ҡыҙы

РУВИКИ интернет-энциклопедияһында Иҫәнғолов фамилиялы башҡа кешеләр тураһында мәҡәләләр бар.

Гөлсөм Сабир ҡыҙы Иҫәнғолова (ире буйынса — Яремчук; рус. Гульсум Сабировна Исянгулова; 1938 йылдың 10 июне, Дәүләтҡол, Башҡорт АССР-ы) — совет һәм Рәсәй театр актрисаһы. Ғәлиәскәр Камал исемендәге Татар дәүләт академия театры артисы. Татар АССР-ының (1988) һәм Башҡортостан Республикаһының халыҡ артисы (1996).

Биографияһы

1938 йылдың 10 июнендә Башҡорт АССР-ы Мәләүез районының Дәүләтҡол ауылында тыуған[1][2]. Бәләкәй сағында етем ҡалып, балалар йортонда тәрбиәләнә[3].

1961 йылда Мәскәүҙә М. С. Щепкин исемендәге Юғары театр училищеһын педагог М. Н. Гладкова етәкселегендә тамамлай[3][4]. Вузды тамамлағас та, йәш актриса Ғәлиәсҡар Камал исемендәге Татар дәүләт академия театры труппаһына алына һәм унда күп йылдар эшләй[5].

Ижады

Театрҙа эшләгән осоронда сәхнәлә төрлө пландағы ҡатын-ҡыҙ образын тыуҙыра:

  • Корри — «Вне закона», А. Муис;
  • Шәфәҡ — «Ай тотолған төндә»;
  • Йәмилә — «Ҡыҙ урлау», М. Карим;
  • Айһылыу — «Миркәй менән Айһылыу»;
  • Зөһрә — «Ҡасаҡтар»;
  • Ғәйшә — «Зифа», Н. Исанбет;
  • Наҙлыгөл — «Дуэль», М. Байджиев;
  • Роза — «Сумерки», А. Гилязов;
  • Щеголева — «Человек со стороны», И. Дворецкий;
  • Липочка — «Свои люди — сочтёмся», А. Островский;
  • Энже — «Ҡол Ғәли», Н. Фаттах;
  • Сабира — «Татар ҡыҙы яҙмышы», Г. Ибрагимов;
  • Гөлйыһан — «Банкрот», Г. Камал;
  • Марта — «Интервью в Буэнос-Айресе», Г. Боровик;
  • Лариса Даниловна — «Одна ночь», Б. Горбатов;
  • Миңзифа — «Ғәфү ит мине, әсәй!», Р. Батулла;
  • Ханша — «Таһир менән Зөһрә», Ф. Бурнаш;
  • Мәхбүбә — «Зөләйха»;
  • Хәҙисә — «Брачный контракт», Ғ. Исхаҡи;
  • Гөлсөм — «Мираҫ», Г. Каюм;
  • Вәлиә — «Аҫылйәр», М. Фәйзи;
  • Сажиҙә — «Дуҫтарса әңгәмә», «Хушығыҙ», Т. Миннуллин;
  • Сәлимә — «Әбейҙәргә ни етмәй»;
  • Роза — «Китмә», Ф. Буляков;
  • Текле — «Ханума», А. Цагарели[6][4][1].

Педагогик эшмәкәрлеге

Актёрлыҡ карьераһы менән бер рәттән педагогик эш менән дә шөғөлләнә. 1981—1989 йылдарҙа Ҡазан театр училищеһында уҡыта[3].

Ғаиләһе

  • Әсәһе — Ғәфифә;
  • Апаһы — Әҡлимә (йәшләй вафат була);
  • Ағаһы — Зөбәйер, СССР-ҙың атҡаҙанған осоусы-һынаусыһы, отставкалағы полковник.
  • Ҡустыһы — Альберт (25 йәшендә вафат була)[7].

Маҡтаулы исемдәре һәм башҡа наградалары

  • Татар АССР-ының атҡаҙанған артисы (1974)[1];
  • Татар АССР-ының халыҡ артисы (1988)[5];
  • Башҡортостан Республикаһының халыҡ артисы (1996)[1];
  • «Татарстан Республикаһы алдындағы хеҙмәттәре өсөн» ордены (2013)[5].

Иҫкәрмәләр

  1. ↑ 1 2 3 4 С. С. Саитов. Иҫәнғолова Гөлсөм Сабир ҡыҙы // Башҡорт энциклопедияһы. — Өфө: Башҡорт энциклопедияһы (ғилми-нәшриәт комплексы), 2015—2020. — ISBN 978-5-88185-306-8.
  2. ↑ Исангулова (Яремчук) Гульсум Сабировна. Татпресса (15 май 2012). Мөрәжәғәт итеү датаһы: 12 август 2026.
  3. ↑ 1 2 3 Знаменитые земляки. Мелеузовская централизованная библиотечная система (1 май 2020). Мөрәжәғәт итеү датаһы: 12 август 2026.
  4. ↑ 1 2 Гульсум Исангулова — актриса — биография. Кино-Театр.Ру (20 сентябрь 2015). Мөрәжәғәт итеү датаһы: 12 август 2026.
  5. ↑ 1 2 3 Исангулова Гульсум Сабировна. Татарская энциклопедия (14 август 2021). Мөрәжәғәт итеү датаһы: 12 август 2026.
  6. ↑ Спектакль Ханума. Татарский государственный академический театр имени Г. Камала (10 декабрь 2004). Мөрәжәғәт итеү датаһы: 12 август 2026.
  7. ↑ Көслөләрҙе һынауҙар һындырмай, сыныҡтыра ғына, нығыта... web.archive.org. Мөрәжәғәт итеү датаһы: 12 август 2026.

Әҙәбиәт

Һылтанмалар

Категориялар