Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Дегтярёв Александр Ильич

Дегтярев Александр Ильич (12 август 1918 йыл — 5 октябрь 1943 йыл) — Эшсе-крәҫтиән Ҡыҙыл Армияһы ҡыҙылармеецы, Бөйөк Ватан һуғышында ҡатнашыусы, Советтар Союзы Геройы (1943).

Биографияһы

Александр Ильич Дегтярев 1918 йылдың 12 авгусында Синий Колодезь ауылында (хәҙерге Калуга өлкәһе Мещовский районы) крәҫтиән ғаиләһендә тыуған. Мәктәптә ете класс тамамлағандан һуң колхозда эшләй. 1939 йылда Эшсе-крәҫтиән Ҡыҙыл Армияһына хеҙмәткә саҡырыла. Бөйөк Ватан һуғышы башланғандан алып фронтта.

1943 йылдың сентябренә ҡарата ҡыҙылармеец Александр Дегтярев Дала фронтының 46-сы армияһы 236-сы уҡсылар дивизияһы 177-се уҡсылар полкының уҡсыһы була. Украина ССР-ы Харьков һәм Днепропетровск өлкәләрен азат итеү алыштарында батырлыҡ күрһәтә[1].

1943 йылдың 5 сентябрендә Харьков өлкәһе Змиевский районы Тарановка ауылы янындағы алышта граната менән дошман автомашинаһын юҡ итә. Артабан Днепр өсөн алышта ул үҙенең подразделениеһында беренсе булып йылға аша сыға. 26-27 сентябрҙә Днепропетровск өлкәһе Верхнеднепровский районының Сошиновка ауылы өсөн алыштарҙа ул сафтан сыҡҡан взвод командирын алмаштыра һәм подразделение менән уңышлы етәкселек итә. 1 октябрҙә бер нисә дошман контратакаһын кире ҡағыуҙа ҡатнаша, шәхсән үҙе 12 дошман һалдатын юҡ итә, тағы ла өсәүһен әсирлеккә ала. Һуғышта ике тапҡыр яралана, әммә һуғыш яланынан китмәй. 1943 йылдың 5 октябрендә алған яраларынан госпиталдә вафат була[1].

СССР Юғары Советы Президиумының 1943 йылдың 1 ноябрендәге указы менән ҡыҙылармеец Александр Дегтяревҡа үлгәндән һуң Советтар Союзы Геройы исеме бирелә, Ленин һәм Ҡыҙыл Йондоҙ ордендары менән бүләкләнә[1].

Днепропетровск өлкәһе Петриковский районының Радсело ауылында ерләнгән[1].

Иҫкәрмәләр

Сығанаҡтар

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Калинин В. В., Макаренко Д. Г. Герои подвигов на Харьковщине. — Харьков, 1970. — С. 411—412.
  • Поленков К. А. Калужане — Герои Советского Союза / К. А. Поленков, Н. А. Хромиенков. — Калуга: Калужское книжное издательство, 1963. — С. 96—98. — 402 с. — 5000 экз.

Һылтанмалар

Тема буйынса өҫтәмә

Категориялар