Игнатенко Сергей Николаевич

1955 йылдың 3 ноябрендә Өфө ҡалаһында тыуған. 1982 йылда Өфө дәүләт сәнғәт институтының художество бүлеген тамамлай.

Рәсәй Федерацияһы Мәҙәниәт министрлығының дәүләт стипендиаты (2006).

Сергей Николаевич Өфөлә йәшәй һәм эшләй.

1991 йылдан СССР (Рәсәй Федерацияһы) Рәссамдар союзы ағзаһы. «Март» ижади төркөмө ағзаһы (1989—1993).

Игнатенко Сергей Николаевич — Башҡортостандың һынлы сәнғәттәге концептуаль йүнәлешенең сағыу вәкиле.

Рәссам әҫәрҙәре М. В. Нестеров исемендәге Башҡорт дәүләт художество музейында (Өфө), МРСИ (Джерси-Сити, АҠШ), Алла Булянская галереяһында (Мәскәү, Үҙәк рәссамдар йорто), «Academia» сәнғәт академияһында (Өфө, УГАЭС), «Сәнғәт» галереяһында (Өфө), «Мираҫ» галереяһында (Өфө), Нефтекама «Мираҫ» картиналар галереяһында (Башҡортостан Республикаһындағы Нефтекама ҡалаһы), «Янғантау» курорт ҡаласығында (Башҡортостан Республикаһының Салауат районы, «Янғантау» шифаханаһы) һаҡлана.

«Һунарсылар» (1987), «Инвалид (Тир)», (1988), «Марионеткалар» (1988), «Эт майҙансығы» (1989), «Дуҫтар» (1990), «Пир» (1990), «Человек в коконе» (1996), («Киске аш», 1993; «Поцелуй Иуды», (1994) һәм тәрегә ҡаҙаҡлау алдынан төндә Ғайсаның ғазаплы уйҙары («Гефсиманская ночь», 1994; «Гефсиманская ночь — II», 1998), «Фәрештә», 1992, һәм «пәйғәмбәр»- фәрештәләре («Зәңгәр фәрештә», 1993), «Ангелы в березовом лесу», 1999, «Душа отлетела», 1999, «Натюрморт с красным» (1997), «Натюрморт с розовым» (1998), «Натюрморт с белым» (2000), «Красное и чёрное» (2001), «Красный натюрморт» (2001), «Розовый натюрморт» (2001), «Белое, чёрное, серое» (2002), «Красное, белое, чёрное» (2003), «Деревенская церковь» (2007). «Портрет девушки в шляпе» (1994), «Портрет N в шляпе» (1995), «Портрет неизвестного в чёрном» (1996), «Стоящая женщина» (1997), «Флора» (1998), «Юноша с книгой» (2007), «Фрагмент» (2000, 2001, 2003, 2004) и «Калмычка» (2002). «Портрет Филонова», (1988).

Игнатенко — киң танылыу алған, шешәләр менән натюрморт авторы (уратып алған донъяның ыуалыусанлығы менән ассоциация)^[1].

1977 йылдан алып Игнатенко республика, декада, зона, төбәк, Бөтә Рәсәй, Бөтә Союз, халыҡ-ара һәм сит ил күргәҙмәләрендә ҡатнаша.

• Башҡортостан Республикаһының атҡаҙанған рәссамы (2004);
• Рәсәй Федерацияһы Мәҙәниәт министрлығының дәүләт стипендиаты (2006).

• Ҡатыны — Светлана Владиславовна^[2] (1956 йылда тыуған), — М. В. Нестеров исемендәге Башҡорт дәүләт художество музейы директоры урынбаҫары, Рәсәй рәссамдар союзы ағзаһы, Башҡортостан Республикаһының атҡаҙанған сәнғәт эшмәкәре. «Бельские просторы» журналының редколлегия ағзаһы.