Касеев Рөстәм Рәсиҡ улы

Рөстәм Рәсиҡ улы Касеев ТАССР-ҙың Энтуганы ауылында 1929 йылдың 14 апрелендә тыуған. 1955 йылда Мәскәү өлкә педагогия институтын тамамлаған (физик тәрбиә бүлеге), 1968 йылда — Дәүләт театр сәнғәте институтын (ГИТИС) (театр белгесе факультеты, Ф. Г. Бардиан, Б. А Эдер курсы) тамамлай.

1957—1965 йылдарҙа циркта түбәнге көс акробаты булараҡ сығыш яһай. Айыуҙар менән «Оло Етегән Йондоҙлоғо» аттракционы булдыра.

1997 йылдың 29 октябрендә Мәскәүҙә вафат була.

Ғаиләһе: ҡатыны Касеева Нелли Александровна 1937 йылда тыуған, «Рәсәйҙең атҡаҙанған артисы», хайуандарҙы күнектереүсе. Балалары: улы Ренат — Рәсәй дәүләт цирк компанияһы артисы (Мәскәү). Ҡыҙы Дания — «Союзгосцирк» Бөтә Союз ижади берекмәһе артисы, 1990 йылдан башлап АҠШ-та йәшәй һәм эшләй.

• Рәсәй Федерацияһының халыҡ артисы (1992).
• Башҡорт АССР-ының атҡаҙанған артисы (1973).
• Башҡорт АССР-ының халыҡ артисы (1975).
• Дуҫлыҡ Ордены (25.08.1997).
• Бөтә Союз цирк сәнғәте конкурсы лауреаты (Мәскәү, 1977).