Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Кинйәғолов Ильяс Фәнил улы

Ильяс Фәнил улы Кинйәғолов, Ильяс Кинйәғолов (рус. Киньягулов Ильяс Фанилевич, Ильяс Киньягулов; ) — башҡорт һәм татар эстрада йырсыһы, композитор, аранжировщик. «Башҡортостан» дәүләт концерт залының ижади проекттар бүлеге артисы, «Минто Record Production» тауыш яҙҙырыу студияһы хеҙмәткәре. Бөтә Рәсәй һәм халыҡ-ара конкурстар лауреаты, «Юлдаш FM» һәм «Болгар FM» радиоларының «Йыл композиторы».

Биографияһы

Ильяс Кинйәғолов 12 сентябрҙә тыуған. Ижади юлын 2012 йылда «Йәшлек-шоу» конкурсында ҡатнашып башланы. «Яңы йондоҙ-2014» өлкә йәш башҡарыусылар конкурсында еңеү тәүге уңышы була, шунан һуң музыкаль даирәләрҙә ҡатнаша башлай[1].

Өфө мәҙәниәт колледжын «вокал сәнғәте» һөнәре буйынса тамамлаған. М. Аҡмулла исемендәге Башҡорт дәүләт педагогия университетының башҡорт филологияһы факультетында юғары белем алды. 2023 йылда ошо факультет студенттары өсөн вокал буйынса оҫталыҡ дәресе үткәрә[2].

Ижади эшмәкәрлеге

Музыкаль карьераһы

Ильяс Кинйәғолов башҡорт һәм татар эстрадаһының төрлө жанрҙарында эшләй. Уның репертуарында лирик һәм этник композициялар ҙа бар.

Композитор булараҡ аранжировкалар ижад итә. Татарстандың атҡаҙанған артисы Илсиә Бәҙретдинова коллективында ул фонограмма әҙерләүсе генә түгел, тере төркөмдә «кеше-оркестр» булған (тамаҡ менән йырлау, ҡумыҙ, ҡурай). Өйләнгәс һәм улы тыуғас Башҡортостанға ҡайтҡан[3]. Гүзәл Уразова, Илдар Хәкимов, Фирҙүс Тямаев кеүек башҡорт һәм татар эстрадаһы башҡарыусылары менән хеҙмәттәшлек итә. Төрлө башҡарыусыларҙың проекттары өсөн продюсер һәм аранжировщик сифатында сығыш яһай[1].

Сәхнә һәм телевидениела эшмәкәрлеге

Ильяс Кинйәғолов «Башҡортостан» дәүләт концерт залы сәхнәһендә даими сығыш яһай. Республика көнөнә арналған концерттарҙа һәм башҡа рәсми сараларҙа ҡатнаша. Яңғыҙ концерттар ҙа, башҡорт эстрадаһының билдәле артистары менән дә сығыш яһай[4].

Башҡортостан юлдаш телевидениеһының «Бәхет иле» программаһында ҡатнаша.

Артист репертуарында тәрән мәғәнәле балладалар ҙа, шатлыҡлы композициялар ҙа бар, был был төрлө аудиторияларҙың ихтыяждарын ҡәнәғәтләндерә.

Дискография

Дискография (синглдар) асыҡ каталогта бар: «Нөгөш буйҡайҙары аҡ томан» (2024), «Ҡыҙыл алма», «Йәшлегем моңдары», «Бәхет бар ул», «Мирфәйзә», «Ҡунаҡсыл Башҡортостан» (2025) һ.б.[5].

Актёрлыҡ тәжрибәһе

Ҡазанда татар драма театрында сығыш яһап, актёрлыҡ тәжрибәһе ала[1].

Маҡтаулы исемдәр һәм башҡа наградалары

  • «Урал моңо», «Башҡорт йыры» һәм башҡа халыҡ-ара конкурстар лауреаты;
  • «Юлдаш FM» радиоһының «Йыл композиторы»;
  • «Болгар FM» (рус.)баш. радиоһының «Йыл композиторы»[1].

Шәхси тормошо һәм мауығыуҙары

Өфөлә йәшәй. Ильяс Кинйәғоловтың улы бар[3].

Иҫкәрмәләр

  1. ↑ 1 2 3 4 «Гримерка» с вокалистом Ильясом Киньягуловым. ФКУ «Цифровая культура» (7 октябрь 2025). Мөрәжәғәт итеү датаһы: 12 август 2026.
  2. ↑ Ильяс Киньягулов организовал мастер-класс по вокалу для студентов! ФГБОУ ВО «БГПУ им.М.Акмуллы» (2 ноябрь 2023). Мөрәжәғәт итеү датаһы: 10 август 2026.
  3. ↑ 1 2 ТОП 50: Ильсия Бадретдинова. Собака.ru. Мөрәжәғәт итеү датаһы: 10 август 2026.
  4. ↑ Коллективы ГКЗ «Башкортостан» приняли участие в мероприятиях, посвященных Дню Республики. ГБУК РБ ГКЗ «Башкортостан». Мөрәжәғәт итеү датаһы: 10 август 2026.
  5. ↑ Top Songs By Ильяс Киньягулов. Shazam. Мөрәжәғәт итеү датаһы: 10 август 2026.

Категориялар