Уразова Гүзәл Асҡар ҡыҙы

Гүзәл Асҡар ҡыҙы Уразова 1982 йылдың 8 ғинуарында Пермь өлкәһе Барҙы районы Барҙы ауылында Фира Зариф ҡыҙы һәм Асҡар Марсель улы ғаиләһендә тыуған..

Барҙы гимназияһында, фортепиано класы буйынса музыка мәктәбендә уҡый. Өфөлә «Башҡортостан йондоҙсоҡтары» йәш башҡарыусылар конкурсында еңеү яулай.

Йырсы булып танылғас, Гүзәл Уразова билдәле композитор Саубан Чуғанаев («Яран гөл», «Балан», «Болоттар аға инде», «Ах, йәнем, Бибисара» һәм башҡа хиттар авторы) менән ижади хеҙмәттәшлек башлай. Гүзәл ҙур сәхнәлә билдәле композиторҙың төркөмөндә йырланы.

Ҡазан дәүләт мәҙәниәт һәм сәнғәт академияһына уҡырға керә. 2-се курстан Ҡазан дәүләт педагогия университетының музыка факультетына уҡырға күсә. Мәскәү иҡтисад, статистика һәм информатика университетын, Татарстан президентының дәүләт хеҙмәте һәм муниципаль идаралығы академияһын тамамлай.

«Яғымлы яҙ» конкурсы лауреаты (Ҡазан), Хәйҙәр Бигичев исмендәге татар йыры конкурсының 2-се премия лауреаты (Мәскәү) була. «Татар йыры - 2006» татар эстрада йыры фестивалендә «Иң яҡшы йыл йырсыһы» исемен ала. «Алтын барс» татар йыры конкурсында ике тапҡыр еңеү яулай.

Гүзәл Уразованың ижади эше хәҙерге заман композиторҙарының ижады менән генә түгел, ә классик әҫәрҙәр менән дә бәйле: "Гөлйөҙөм арияһы" (Сәлих Сәйҙәшевтың "Наёмщик" операһынан), "Китмә, һандуғас" (Гөлшат Зәйнәшева һүҙҙәре, көйө Рөстәм Яхин), "Ниҙәр етмиҙер күңелгә" (Шәмсиә Йыһангирова һүҙҙәре, Луиза Батыр-Болғари көйө), "Әллә күрешәбеҙ, әллә юҡ" (Илдар Юзеев һәм Айҙар Фәйзахманов көйө)

Гүзәл Уразова Оскар Усманов, Фирзәр Мортазин, Ғабдразаҡ Минғәлиев, Линур Зәйнуллин, Мөҙәрис Ғәзетдинов, Илгиз Закиров, Рәмил Әсхәҙуллин, Альфред Яҡшимбәтов, Зөфәр Хәйретдинов һәм башҡа композиторҙар менән хеҙмәттәшлек итә.

Гүзәлдең татар моңон тыйып тора белеүе, виртуоз вокаль техникаһы уға ижади мәсьәләләрҙе уңышлы хәл итергә ярҙам итә. Уның тырышлығы, репертуарҙы дөрөҫ һайлай белеүе, юғары профессиональ йырлауы һәм тамашасылар менән аралаша белеүе йырсыға "Алтын барс" премияһының күп тапҡыр еңеүсеһе һәм лауреаты булырға ярҙам итә. Йыл һайын уҙғарылған "Татар йыры" халыҡ-ара фестивалендә Гүзәл Уразова тамашасыларҙы йырҙары менән әсир итте.

Гүзәл Уразова үҙенең яңғыҙ концерттары менән Рәсәйҙең бөтә төбәктәрендә лә тиерлек булып сыҡты. Шулай уҡ Төркиә, Ҡаҙағстан һәм башҡа илдәргә гастролдәр булды. Концерт миҙгелендә Гүзәл Уразова 160-170 концерт бирә^[1].

2019 йылдың 1 февралендә Гүзәл Уразова мәҙәниәтте үҫтереүгә ҙур өлөш индергәне һәм оҙаҡ йыллыҡ емешле хеҙмәте өсөн Рәсәй Федерацияһының мәҙәниәт министрынан һәм Татарстан Республикаһы Президентынан рәхмәт һүҙҙәрен алды.

2019 йылдың 23 мартында TMTV каналының Music Awards тантанаһында ул ире Илдар Хәкимов менән «Иң яҡшы йыр театры» номинацияһында премия яулай^[2].

2019 йылдың 30 мартында Дәүләт Кремль һарайында рус һәм татар-башҡорт сәхнәһе йондоҙҙары ҡатнашлығында ижади эшмәкәрлектең юбилей концерты үтте.

• Минем серем (2002 йыл)
• Тик син диеп (2005 йыл)
• Remixes (2007 йыл)
• Best (2008 йыл)
• Иң матур җырлар (2008 йыл)
• Мәхәббәт рейсы (2008 йыл)
• Яратып карасаң (2009 йыл)
• Бәхетле итә алдың (2010 йыл)

• Ире Илдар Хәкимов шулай уҡ музыкант һәм йырсы, ул ҡатыны менән ижади дуэт төҙөй, уның менән бергә йырҙар һәм видеороликтар эшләй;
• Балалары: Эллари, Камилла, Самир һәм Ариана - шулай уҡ ваҡыты-ваҡыты менән ата-әсәләренең видеояҙмаларында күренә.

• Татарстан Республикаһының атҡаҙанған артисы (2009).
• Татарстан Республикаһының халыҡ артисы (2019)^[3].
• Башҡортостан Республикаһының атҡаҙанған артисы (2019).
• «Татар йыры» халыҡ-ара фестивале һәм «ТМТВ» татар музыка телеканалының «Булғар радиоһы», «Алтын ҡаплан» премиялары еңеүсеһе.