Урал моңо (фестиваль)

Фестивалде 1992 йылда Башҡорт йәштәре иттифағы, «Йәшлек» гәзите, «Ант» студияһы ойоштора. 1995 йылда ул халыҡ-ара кимәлгә сыға^[1]. 2001 йылдан «Төрксой» Халыҡ-ара төрки мәҙәниәте ойошмаһы генераль дирекцияһы хуплауында үтә.

2001 йылдан сарала Төркиә, Монголия, Ҡытай, Әзербайжан, Ҡаҙағстан, Ҡырғыҙстан, Үзбәкстан, Төркмәнстан, Алтай, Тыва, Татарстан, Хакасия, Саха (Яҡутстан), Ҡабарҙы-Балҡария, Ҡарасай-Черкессия, Марий Иле, Дағстан, Чечня Республикаһы, Ҡалмыҡстан вәкилдәре ҡатнаша.

«Төрксой» Халыҡ-ара төрки мәҙәниәте ойошмаһы, Башҡортостан Республикаһының Мәҙәниәт һәм милли сәйәсәт министрлығы, Республика халыҡ ижады үҙәге, «Башҡортостан» телерадиокомпанияһы дәүләт унитар предприятиеһы, Х. Әхмәтов исемендәге Башҡорт дәүләт филармонияһы.

Төрлө йылдарҙа фестиваль-конкурстың Гран-прийына Башҡортостан Республикаһынан — «Дәрүиш» (1992), «Диуана», «Аҡйондоҙ», «Рух», Ҡабарҙы-Балҡар Республикаһынан — «Алмасты», «Иман», Татарстан Республикаһынан «Казан егетләре» төркөмдәре, Тыва Республикаһынан Аяс-оол Данзырин менән Юлиана Ондар, Ҡаҙағстандан Нурбол Балапанов (2012)^[2], Нурғәли Турлыбеков, Рәсүл Ҡорбанов (2018)^[3], Алтай Республикаһынан — Добрыня Сатин (2016)^[4], Башҡортостандан — Венера Рәхмәтуллина, Марсель Ҡотоев (2014)^[1], Монголиянан Алтын цэцэк Жарантай, Ҡырымдан «Бельбек» коллективы (2010)^[5] лайыҡ була.