Кирәев Салауат Ғаяз улы

Гражданлығы	СССР
Заты	ир-ат
Тыуған көнө	18 февраль 1955({{padleft:1955|4|0}}-{{padleft:2|2|0}}-{{padleft:18|2|0}})
Вафат булған көнө	6 апрель 2001({{padleft:2001|4|0}}-{{padleft:4|2|0}}-{{padleft:6|2|0}}) (46 йәш)
Вафат булған урыны	Өфө, Башҡортостан Республикаhы, Рәсәй
Һөнәр төрө	актёр
Тыуған урыны	Ишембай, Ишембай районы, Башҡорт АССР-ы, РСФСР, СССР

Кирәев Салауат Ғаяз улы (18 февраль 1955 йыл — 6 апрель 2001 йыл) — цирк артисы, атта оҫта йөрөүсе-һыбайлы, тренер. Башҡорт АССР-ының атҡаҙанған артисы (1975).

Биографияһы

Салауат Ғаяз улы Кирәев 1955 йылдың 18 февралендә Башҡорт АССР-ының Ишембай ҡалаһының Ирек ауылында тыуған.  Элекке 2-се һанлы интернат-мәктәпте (Әхмәтзәки Вәлиди исемендәге 2-се Башҡорт гимназия-интернатын) тамамлаған.

1973 йылда Өфө циркы ҡарамағындағы башҡорт цирк студияһын тамамлағандан алып 1994 йылға тиклем Рәсәй дәүләт цирк компанияһында эшләй (Мәскәү; 1973—1990 йылдарҙа башҡорт цирк коллективы составында). «Башҡортостан һыбайлылары» номерында ҡатнашыусы. Рәсәй һәм донъяның 20 иле буйлап гастролдәрҙә йөрөй. Ағзам Шәрәфетдинов Кирәев тураһында ошолай хәтерләй: «Салауат „Башҡортостан һыбайлылары“ тигән иң уңышлы номеры менән башҡорт ат спорт байрамдарында сығыш яһаны һәм был һәр ваҡыт сағыу, онотолмаҫ тамаша, бөтә программаның үҙәге булды. Үҙенең ат менән идара итеү, эш итә белеү сәнғәтен Салауат уҡыусыларына тапшырырға тырышты, улар менән ваҡыт менән иҫәпләшмәй шөғөлләнде».

1996—1998 йылдарҙа — «Акбузат» ипподромының ат-спорт мәктәбе тренеры. Эшкә уны ипподром директоры, партия етәксеһе Ағзам Шәрәфетдинов саҡыра. Үҙ ваҡытында ул Башҡортостан Республикаһының Учалы һәм Мәләүез райондарында ат-спорт комплексы булдырған. Ул Салауат тураһында хәтерләй: «18 йәшендә Өфө циркы эргәһендә цирк студияһын тамамланы, ә инде 20 йәшендә республиканың атҡаҙанған артисы булды. Рәсәй буйынса ғына түгел, донъяның тиҫтәләгән илдәрендә гастролдәрҙә булды. Цирктан китергә мәжбүр булғас, мин Өфө „Аҡбуҙат“ ипподромы директоры булған саҡта уны үҙбеҙгә ат спорты мәктәбе тренеры итеп эшкә саҡырҙым.»

Маҡтаулы исемдәре һәм бүләктәре

• Ғ. Сәләм исемендәге премия лауреаты (1986)
• Башҡорт АССР-ының атҡаҙанған артисы (1975)

Фильмография

Емельян Пугачев («Мосфильм» к/ст, 1978—1979). Салауат Юлаев ролен башҡара. «Салауат роленә башҡорт цирк коллективы артисы, виртуоз һыбайлы, Башҡортостан Республикаһының атҡаҙанған артисы Салауат Кирәев саҡырылды. Фильм ҡуйыусыларҙы ул үҙенең тышҡы ҡиәфәте, ат өҫтөндә оҫта йөрөй белеүе, йәшлеге менән йәлеп итте, ул Салауат кеүек үк йәштә ине.»

Салауат Ғаяз улы Кирәев Салауат Юлаев кеүек 46-сы йәшендә вафат була.

Әҙәбиәт

• Резяпов Н. Джигит — потомок народного героя: заслуженный артист БАССР, уроженец Ишимбайского района Салават Киреев / Н Резяпов // Восход. — 2010. — 11 март. — С.2.

Һылтанмалар

• Региональный интерактивный энциклопедический портал «Башкортостан». КИРЕЕВ Салават Гаязович (рус.) (Тикшерелеү көнө: 18 июнь 2024)
• Салауат юлаев образы экран 2014 йылдың 27 май көнөндә архивланған.
• Оҫталыҡҡа өфө циркы һыбайлы Салауат Кирәев тә ҡалышмай. салауат юлаев// ИЯ ЕАН, 3 апрель 2009