Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Мифтахов Альберт Ленар улы

Мифтахов Альберт Ленар улы (1959 йылдың 15 сентябре, Өфө — 2014 йылдың 11 сентябре, Өфө) — йәмәғәт һәм дәүләт эшмәкәре, ғалим-философ. 1989–1991 йылдарҙа ВЛКСМ-дың Башҡортостан өлкә комитетының секретары, беренсе секретары, 1991–1994 йылдарҙа — Башҡортостан Демократик йәштәр союзының республика комитеты секретары. 2012–2014 йылдарҙа «Берҙәм Рәсәй» партияһының Башҡортостан төбәк бүлексәһе башҡарма комитеты етәксеһе. 2014 йылдың ғинуары – сентябрендә Башҡортостан Республикаһы Президенты Хакимиәте етәксеһе урынбаҫары. Философия фәндәре кандидаты (1987). Халыҡтар дуҫлығы ордены кавалеры.

Биографияһы

Альберт Ленар улы Мифтахов 1959 йылдың 15 сентябрендә Өфөлә тыуған. Башҡорт дәүләт университетын 1981 йылда тамамлағандан һуң хеҙмәт эшмәкәрлеген Өфө ҡалаһының Октябрь районы № 13 киске урта мәктәбендә тарих уҡытыусыһы булып башлай.

1982–1984 йылдарҙа Башҡорт дәүләт университеты ВЛКСМ комитеты секретары урынбаҫары, 1984–1987 йылдарҙа — шул уҡ университеттың аспирантураһында уҡый, 1987–1989 йылдарҙа — ВЛКСМ комитеты секретары була[2].

1989–1991 йылдарҙа ВЛКСМ-дың Башҡортостан өлкә комитеты секретары, беренсе секретары[2]. 1991–1994 йылдарҙа Башҡортостан Демократик йәштәр союзы республика комитетының беренсе секретары[3]. 1991–1993 йылдарҙа Халыҡ-ара йәштәр палатаһының Рәсәй бүлексәһе вице-президенты вазифаһын биләй.

1994–1998 йылдарҙа Таможня хеҙмәтләндереүе үҙәге директоры, 1998–2002 йылдарҙа — «Сим» яуаплылығы сикләнгән йәмғиәтенең директор урынбаҫары, 2002–2009 йылдарҙа — «Монтажводстрой» яуаплылығы сикләнгән йәмғиәтенең директор урынбаҫары һәм директоры, 2009–2012 йылдарҙа — «Новые Системы» яуаплылығы сикләнгән йәмғиәтенең башҡарыусы директоры була[2].

Фәнни эшмәкәрлек менән шөғөлләнә: 1987 йылда «философия фәндәре кандидаты» ғилми дәрәжәһенә диссертация яҡлай, сәйәсәт фәненә арналған күп һанлы хеҙмәттәр авторы[3].

2012 йылдың ғинуарында «Берҙәм Рәсәй» Бөтә Рәсәй сәйәси партияһының региональ сәйәси советы Президиумы составына инә һәм шул уҡ советтың секретары урынбаҫары итеп һайлана. 2012 йылдың апреленән партияның Башҡортостан бүлексәһе региональ башҡарма комитетын етәкләй. 2012 йылдан алып Башҡортостан Республикаһы Баскетбол федерацияһы попечителдәр советын етәкләй, республикала баскетбол үҫешенә ҙур өлөш индерә[4].

2014 йылдың ғинуарынан Башҡортостан Республикаһы Президенты Хакимиәте етәксеһе урынбаҫары булып эшләй[2]. 2014 йылдың 11 сентябрендә оҙайлы ауырыуҙан һуң вафат була[3].

Маҡтаулы исемдәре һәм башҡа бүләктәре

Иҫкәрмәләр

  1. ↑ Башинформ / под ред. В. А. Валерьевич — 1992.
  2. ↑ 1 2 3 4 Альберт Мифтахов назначен заместителем Руководителя Администрации Президента Башкортостана по внутренней политике. Глава Республики Башкортостан (официальный сайт) (27 ғинуар 2014). Мөрәжәғәт итеү датаһы: 22 июль 2026.
  3. ↑ 1 2 3 4 Сергей Захаров. Скончался Альберт Мифтахов. ИА «Башинформ» (11 сентябрь 2014). Мөрәжәғәт итеү датаһы: 22 июль 2026.
  4. ↑ Скончался заместитель Руководителя Администрации Президента Республики Башкортостан Альберт Мифтахов. Федерация баскетбола Республики Башкортостан (11 сентябрь 2014). Мөрәжәғәт итеү датаһы: 22 июль 2026.

Һылтанмалар

Категориялар