Мәзитов Йәүҙәт Йыһанур улы

Заты	ир-ат
Тыуған көнө	8 март 1943({{padleft:1943|4|0}}-{{padleft:3|2|0}}-{{padleft:8|2|0}}) (82 йәш)
Гражданлығы	СССР
Маҡтаулы исемдәре һәм башҡа бүләктәре
Тыуған урыны	Үрнәк, Саҡмағош районы, Башҡорт АССР-ы, РСФСР, СССР

Мәзитов Йәүҙәт Йыһанур улы (8 март 1943 йыл) — «Салаватстрой» тресы төҙөүсеһе, бригадир. Социалистик Хеҙмәт Геройы (1985).

Биографияһы

Йәүҙәт Йыһанур улы Мәзитов 1943 йылдың 8 мартында Башҡорт АССР-ының Саҡмағош районы Үрнәк ауылында тыуа. 17 йәшенән Саҡмағош райпотребсоюзы складында йөк ташыусы, Башпотребсоюздың 10-сы төҙөлөш участкаһында төрлө эштәр башҡарыусы булып эшләй. 1961 йылда 18 йәшендә комсомол юлламаһы буйынса Салауат ҡалаһына китә һәм унда «Салаватстрой» тресының 1-се төҙөлөш участкаһында төрлө эштәрҙә эшләй.

1965 йылдан — трестың ташсылары бригадиры. Башҡортостан райондарында һәм Салауат ҡалаһында торлаҡ йорттар һәм сәнәғәт объекттарын төҙөүҙә ҡатнаша. Салауат ҡалаһындағы Еңеүҙең 30 йыллығы урамындағы 11-се кирбес йорттағы биҙәктәр авторы.

Башҡорт АССР-ының [[Башҡорт АССР-ының 11-се саҡырылыш Юғары Советы депутаттары исемлеге|ун беренсе саҡырылыш]] Юғары Советы депутаты.

1989 — 1998 йылдарҙа — «Салаватстрой» тресының 1-се төҙөлөш идаралығы мастеры. Пенсияға сыҡҡандан һуң Салауат ҡалаһында йәшәй.

Ғаиләһе

Ҡатыны — Фәриҙә Миңләхмәт ҡыҙы, ике балалары, Тимур ейәндәре бар.

Маҡтаулы исемдәре һәм башҡа бүләктәре

• Социалистик Хеҙмәт Геройы (1985),
• ике Ленин ордены (1981, 1985)
• Хеҙмәт Ҡыҙыл Байраҡ ордены,
• СССР-ҙың Промстройматериалдар хеҙмәткәрҙәре профсоюзы Үҙәк комитетының, Сәнәғәт төҙөлөшө министрлығының Почёт грамотаһы.

Иҫкәрмәләр

Һылтанмалар

• Мәзитов Йәүҙәт Йыһанур улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 5 март 2023)
• Симонов А. А. Мазитов Яудат Зиганурович  (билдәһеҙ). «Герои страны» сайты. Дата обращения: 11 июль 2016.
• Фильм о Мазитове Я. З.