Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Орфеева Ләлә Ғабдулла ҡыҙы

Ләлә Ғабдулла ҡыҙы Орфеева (ҡыҙ фамилияһы Әхмәтйәнова; рус. Ляля Габдулловна Орфеева; 1955 йылдың, Өфө, Башҡорт АССР-ы, РСФСР, СССР — 2026 йылдың 27 авгусы, Өфө) — йырсы, Башҡорт дәүләт опера һәм балет театры солисы, Башҡорт АССР-ының халыҡ артисы (1989).

Биографияһы

Орфеева Ләлә Ғабдулла ҡыҙы 1955 йылда Башҡорт АССР-ының Өфө ҡалаһында тыуған[1].


«Яңғыҙ йырлау» һөнәре буйынса юғары белемгә эйә: 1977 йылда Өфө дәүләт сәнғәт институтын (хәҙер З. Исмәғилев исемендәге Өфө дәүләт сәнғәт академияһы, доцент Н. И. Уткина класы) тамамлай[2].

Институтты тамамлағандан һуң Башҡорт дәүләт опера һәм балет театрының опера труппаһы солисы булып эшләй.

1978 йылдан алып Воронеж опера һәм балет театры солисы булып эшләй.

1985 йылда Башҡорт дәүләт опера һәм балет театрына кире ҡайта.

Ләлә Ғабдулла ҡыҙы репертуарына ариялар, романстар, сит ил, рус, башҡорт композиторҙары йырҙары, башҡорт халыҡ йырҙары, боронғо романстар инә[3].

2026 йылдың 27 авгусында вафат була[4].

Операларҙағы ролдәре

  • Леонора (Дж. Верди, «Трубадур»)
  • Эболи, Королева Елизавета (Дж. Верди, «Дон Карлос»)
  • Аида (Дж. Верди, «Аида»)
  • Маргарита Марта (Ш. Гуно, «Фауст»)
  • Микаэла, Мерседес (Ж. Бизе, «Кармен»)
  • Турандот (Дж. Пуччини, «Турандот»)
  • Чио-Чио-сан (Дж. Пуччини, «Чио-Чио-сан»)
  • Роза (Л. Делиб, «Лакме»)
  • Сантуцца (П. Масканьи, «Сельская честь»)
  • Недда (Р. Леонкавалло, «Паяцы»)
  • Бесс (Дж. Гершвин, «Порги һәм Бесс»)
  • Наташа (А. Даргомыжский, «Русалка»)
  • Ярославна (А. Бородин, «Князь Игорь»)
  • Лиза (п. чайковскийҙың «пиковая дама»)
  • Мария (П. Чайковский, «Мазепа»)
  • Татьяна Ларина (П. Чайковский, «Евгений Онегин»)
  • Ганна (Н. Римский-Корсаков, «Майская ночь»)
  • Сабурова (Н. Римский-Корсаков, «Царская невеста»)
  • Ханако (Ю. Мейтус, «Рихард Зорге»)
  • Аксинья (Т. Хренников, «В бурю»)
  • Двойра (А. Журбин, «Биндюжник и король»)
  • Гөлйөҙөм (Х. Әхмәтов, «Замандаш»)
  • Әсә (Х. Әхмәтов «Нәркәс»)
  • Әсә (З. Исмәғилев, «Ҡаһым-түрә»)
  • Сәхипъямал, Ҡарасәс (З. Исмәғилев, «Урал илселәре»)
  • Шәүрә (З. Исмәғилев, «Шәүрә»)
  • Ҡатын-ҡыҙ (С. Низаметдинов, «Ҡара һыуҙар»)
  • Зөбәржәт (С. Низаметдинов, «Наки»)

Концерт репертуары

  • Дж. Верди. «Requiem»
  • А. Дворжак. «Stabat Mater»
  • Р. Шуман. «Любовь и жизнь женщины»
  • Л. Исмәғилев. «Таҡташ-симфония»
  • С. Низаметдинов. «Ҡаралама»
  • З. Исмәғилев. «Беҙ еңдек»
  • З. Исмәғилев. «Үлемһеҙлек»

Маҡтаулы исемдәре һәм башҡа наградалары

  • Башҡорт АССР-ының халыҡ артисы (1989).

Һылтанмалар

  1. ↑ Ахметзянова (Орфеева) Ляля Габдулловна. bashenc.online. ГАУН РБ «Башкирская энциклопедия». Мөрәжәғәт итеү датаһы: 27 август 2026.
  2. ↑ Уфимская академия искусств вернула историческое название — институт искусств. www.bashinform.ru. ИА «Башинформ» (12 ғинуар 2016). Мөрәжәғәт итеү датаһы: 27 август 2026.
  3. ↑ Орфеева Ляля Габдулловна (драматическое сопрано). bashopera.ru. Башкирский государственный театр оперы и балета. Мөрәжәғәт итеү датаһы: 27 август 2026. Архивировано из оригинала 2 ноябрь 2013 года.
  4. ↑ В Уфе ушла из жизни певица, народная артистка Башкирии Ляля Ахметзянова. bashinform.ru. Мөрәжәғәт итеү датаһы: 28 август 2026.

Категориялар