Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Пашкевич Алексей Васильевич

Алексей Васильевич Пашке́вич (1916 йылдың 24 декабре, Александровка[d], Петербург губернаһы[d] — 1967 йылдың 30 авгусы, Ленинград) — хәрби хеҙмәткәр, генерал-майор. Бөйөк Ватан һуғышында ҡатнашыусы, осоусы-ас, 63-сө гвардия истребитель авиация полкының эскадрилья командиры (1-се Балтик буйы фронты, 3-сө һауа армияһы, 1-се гвардия истребителдәр авиация корпусы, 3-сө гвардия истребителдәр авиацияһы дивизияһы). Советтар Союзы Геройы (1945)

Биографияһы

Алексей Васильевич Пашкевич 1916 йылдың 24 декабрендә Петроград губернаһы Александровка ҡасабаһында (хәҙер Ленинград өлкәһе Гатчина районы) крәҫтиән ғаиләһендә тыуа[1]. Урыҫ. Юғары белемле. 1944 йылдан КПСС ағзаһы.

Хәрби хеҙмәткә тиклем Белорет металлургия комбинатында токарь (1931—1936)[2], аэроклубта осоусы-инструктор булып эшләй. 1939 йылда Белорет ҡалаһы военкоматынан РККА-ға алына.

Бөйөк Ватан һуғышы фронтында 1943 йылдан. Гвардия майоры А. В. Пашкевич һауа һуғыштарында һәм дошмандың ерҙәге күп һанлы объекттарын штурмлағанда айырылып тора[3]. Фронтта булған 2 йыл осоронда 114 хәрби осош яһай, 29 һауа һуғышы үткәрә, шәхсән дошмандың 19 самолетын бәреп төшөрә[4].

СССР Юғары Советы Президиумының 1945 йылдың 23 февралендәге Указы менән командованиеның хәрби заданиеһын өлгөлө үтәгәне һәм батырлыҡ, ҡаһарманлыҡ күрһәткәне өсөн гвардия майоры Алексей Васильевич Пашкевичҡа «Советтар Союзы Геройы» исеме бирелә, Ленин ордены һәм «Алтын Йондоҙ» миҙалы (№ 5320) тапшырыла[5].

Алексей Васильевич — 1950 йылда Ҡытайҙа булған «билдәһеҙ» һуғышта ҡатнаша. Шанхайҙың Һауа һөжүме оборонаһы төркөмөнөң 106-сы истребитель авиация дивизияһы составында Ҡытай Халыҡ Республикаһының көнсығыш өлөшөн гоминьдан авиацияһы һөжүменән һаҡлауҙы ойоштора. 1951 йылда Кореяла һуғыша. Шанхайҙың Һауа һөжүме оборонаһы төркөмөнөң 106-сы истребитель авиация дивизияһы базаһында 50-се истребитель авиация дивизияһын төҙөй, уның менән 1950 йылдың 20 ноябренән 1951 йылдың февраленә тиклем командалыҡ итә. Ошо ваҡыт арауығында дивизия Корея күгенән дошмандың 64 самолетын бәреп төшөрә.

Һуғыштан һуң А. В. Пашкевич Совет Армияһында хеҙмәтен дауам итә. 1955 йылда Хәрби-һауа академияһын тамамлай.

1959 йылдан авиация генерал-майоры А. В. Пашкевич отставкаға сыға.

1967 йылдың 30 авгусында Ленинград ҡалаһында вафат була. Богословский зыяратында ерләнә[3][6].

Хәтер

  • Башҡортостан Республикаһы Хөкүмәтенең 2025 йылдың 12 декабрендәге 613-сө Ҡарары менән Советтар Союзы Геройы Пашкевич Алексей Васильевичтың исеме Башҡортостан Республикаһы Белорет районы муниципаль районының Белорет ҡалаһы 13-сө урта дөйөм белем биреү мәктәбе дөйөм белем биреү автономиялы учреждениеһына бирелә[7];
  • Башҡортостан Республикаһының Белорет ҡалаһы урамдарының береһе Герой исемен йөрөтә[2].
undefined

Маҡтаулы исемдәре һәм башҡа бүләктәре

Иҫкәрмәләр

  1. ↑ Пашкевич Алексей Васильевич. «Герои страны» сайты.
  2. ↑ 1 2 Ғ. Һ. Булатов. Пашкевич Алексей Васильевич (башҡ.). «Башҡортостан» төбәк интерактив энциклопедик порталы (28 апрель 2023). Мөрәжәғәт итеү датаһы: 17 февраль 2026. (баш.)
  3. ↑ 1 2 Н. В. Уфаркин. Пашкевич Алексей Васильевич. Международный патриотический интернет проект «Герои страны». Мөрәжәғәт итеү датаһы: 17 февраль 2026.
  4. ↑ М. Ю. Быков. Все Асы Сталина 1936—1953 гг.. — Научно-популярное издание. — М.: ООО «Яуза-пресс», 2014. — С. 918. — 1392 с. — (Элитная энциклопедия ВВС). — 1500 экз. — ISBN 978-5-9955-0712-3.
  5. ↑ 1 2 3 Пашкевич Алексей Васильевич. Проект Министерства обороны Российской Федерации «Память народа». Мөрәжәғәт итеү датаһы: 17 февраль 2026. (рус.)
  6. ↑ Фотография памятника.
  7. ↑ Постановление Правительства Республики Башкортостан от 12.12.2025 № 613 «О присвоении имен Героев Советского Союза и выдающихся деятелей Республики Башкортостан общеобразовательным организациям Республики Башкортостан». Правительство Республики Башкортостан (12 декабрь 2025). Мөрәжәғәт итеү датаһы: 17 февраль 2026. (рус.)

Әҙәбиәт

  • Несокрушимые. — Уфа, 1985.
  • Славные сыны Башкирии. — Уфа.
  • Булатов Г. Генералы Башкортостана // От токаря до генерала. — Уфа: Башкирское книжное издательство, 1995. — ISBN 5-295-01338-3.

Һылтанмалар

Категориялар