Планета (аквапарк)

«Планета» аквапаркы интерьерының биҙәлеше бик үҙенсәлекле. Бында бик боронғо ваҡыттарҙағы юра осоро стилистикаһы ҡулланылған: килеүселәр тарихҡа тиклемге күп миллион йылдар элек булған һәм беҙгә төрлө сығанаҡтар аша билдәле бары тик динозаврҙар йәшәгән ҡырағай донъяға барып инә. Шуға күрә ҡайһы бер тауҙар динозавр йомортҡаһында «йәшерелгән», яһалма мәмерйә стеналарында юҡҡа сыҡҡан кеҫәрткеләрҙең һөлдәләрен күрергә мөмкин, динозавр фигуралары балалар өсөн тәғәйенләнгән тауҙар янында сабыйҙарҙы көтә. Бында шулай уҡ тропик күлдәрҙе күрергә һәм улар буйындағы үҫемлектәр араһында йөрөргә була. Был донъяны шарлауыҡтар, лагундар, акватория периметры буйлап әкрен генә аҡҡан йылға, мәмерйәләр, боронғо цивилизация ауылдары образындағы кафелар бик яҡшы тулыландыра^[1][2].

«Планета»ла 12 һыу тауы һәм 11 бассейн эшләй. Бындай типтағы аквапарк өсөн стандарт аттракциондар йыйылмаһы ҡуйылған: «Анаконда» (боролмалы 130 метрлыҡ тау, ул Өфө аквапаркында иң оҙоно), «Камикадзе» (тиҙ төшөү өсөн 50 метрлыҡ тау), «Ирекле ҡолау», әкрен йылға, тулҡын бассейны һәм башҡалар^[1].

Бында шулай уҡ төрлө температура режимына көйләнмәле өс саунаны үҙ эсенә алған спа-зона, төрөк мунсаһы — хаммам һәм һыу массажы — джакузи бар^[2].

Йәйгеһен балалар өсөн уйын майҙансығы һәм һыу һырты менән терраса тәҡдим ителә^[1].

Һыу паркы территорияһында тағы ла «Виртуаль ысынбарлыҡ» аттракционы, аква-бар һәм бер нисә кафе һәм ресторан эшләй^[2].

Аҙна дауамында аквапарк сәғәт иртәнге 10-дан киске 22 сәғәткә тиклем эшләй. Дүшәмбе ике сәғәткә һуңыраҡ — көндөҙгө сәғәт 12-лә асыла^[1].

«Планета» сауҙа-күңел асыу комплексы һәм аквапарк ҡала үҙәгенән яҡынса 7 километр алыҫлыҡта, Өфөнөң төньяҡ-көнсығыш өлөшөндә, Энтузиастар урамы, 20 адресында урынлашҡан. Бында 261-се, 255-се, 110с, 110м, 6-сы, 244-се һәм 251-се маршруткаларҙа һәм автобустарҙа, шулай уҡ шәхси автомобилдә барырға була^[2].