Победа (кинотеатр, Өфө)

Бинаның тәүге нигеҙ ташы 1945 йылдың 9 майында Черниковка ҡалаһының Сталин урамындағы картуф баҫыуында Бөйөк Ватан һуғышында Еңеү хөрмәтенә һалына^[10][11].

1945—1949 йылдарҙа немец әсирҙәре һәм репресияланғандар тарафынан совет архитекторы С. И. Якшиндың типик проекты буйынса СССР-ҙа беренсе тапҡыр неоклассицизм стилендә төҙөлә^[12]. Проект буйынса 630 урынға иҫәпләнә, антресолле ҙур фойеһы, симфоник оркестр өсөн эстрада майҙансығы, шулай уҡ уҡыу залы һәм лекторийы була; бинаға билдәһеҙ авторҙың «Яугир-еңеүсе» скульптураһы ҡуйыла^[9][13].

1948 йылда асыла^[7]. Беренсе кино сеансы 1948 йылдың 2 октябрендә ҡуйыла, «Весёлые ребята» комедияһы күрһәтелә^[1].

1955 йылда «Яугир-еңеүсе» скульптураһы (емерелеүе йәки һүтелеүе арҡаһында) Б. Д. Фузеевтың скульптура төркөмөнә алмаштырыла^[13]. 1958 йылда киң экранлы кинотеатрға әүерелә.

1960—1980 йылдарҙа РСФСР Мәҙәниәт минитсрлығының йыл һайын уҙғарылған конкурстарында 15 тапҡырҙан ашыу беренсе урын ала^[14]. 1963—1993 йылдарҙа бинала Советтар Союзы Геройы, разведчик Н. И. Кузнецов исемендәге музей эшләй.

2000 йылда «Победа» кинокомплексы" яуаплылығы сикләнгән ширҡәт ҡарамағында була^[7]. 2000—2001 йылдарҙа реконструкция үткәрелә: иҫкергән бина ремонтлана, проекция, тауыш ҡорамалдары һәм экраны алмаштырыла. шунда уҡ бинанан емереле-е һөҙөмтәһендә скульптура төркөмө алына.

2007 йылда 2800 киносеанс үткәрелә (170 меңдән ашыу тамашасы).

2015 йылда «Төбәк фонды» акционерҙар йәмғиәте «Экотехнологиялар» яуаплылығы сикләнгән ширҡәткә автомобиль шиналарын ҡайтанан эшкәртеү буйынса заводты үҫтереүгә 60 миллион һумға займ бирә. Бурыстарҙы үтәүҙе тәьмин итеү өсөн «Победа» кинокомплексы" яуаплылығы сикләнгән ширҡәт кинотеатрҙы залогҡа бирә^[15].

2016 йылдың 26 октябрендә алынған скульптура төркөмө урыныны Өфө скульпторы Х. Х. Ғәлиуллиндың проекты буйынса «Азат итеүсе яугир, эшсе һәм колхозсы» скульптураһының кесерәйтелгән күсермәһе ҡуйылана^[16][17][13].

2017 йылға тиклем «Планета кино» кинокомплекстары селтәре составына керә. Шул уҡ йылдың йәйендә килемһеҙ булыуы сәбәпле, тулыһынса ябыла^{[1][18][19][20][21]}, шулай уҡ йәйгеһен һәм көҙгөһөн һатырға ҡуйыла^[22][23][24].

2019 йылдың ғинуарында бинаны — 22-се спорт мәктәбенә^[8], 2019 йылдың 12 сентябрендә, планлаштырылған капиталь ремонттан һуң, 5-се балалар музыка мәктәбе филиалына бирәсәктәре билдәле була^[25][26]. 2020 йылда капиталь ремонт проектына һәм уны 2021 йылда тормошҡа ашырыуға 5,1 миллион һум бүленә^{[27][28][29][30]}.

2022 йылға реконструкцияға ябылған бина ремонтланмай, уны мәҙәниәт учреждениеһы итеү өсөн капиталь ремонт үткәреүгә проект-смета документацияһы үҙгәртеп эшләнә^[31]. 2022 йылдың 14 ғинуарында кинотеатр бинаһы Өфө Йәш тамашасы театры ҡарамағына бушлай бирелә тигән документ әҙерләнә, 2022 йылдың 18 мартында документҡа ҡул ҡуйыла^[32]. Ул ҡала нигеҙләнеүҙең 450 йыллығына реконструкция эшләнәсәк биналар исмелегенә инә^[33].

2024 йылда «Победа» кинотеатры бинаһында капиталь ремонт эштәре башлана^[34]. Ул 1-1,5 йыл дауам итеүе ихтимал^[35].