Прокин Василий Александрович

Василий Александрович Прокин 1922 йылдың 30 декабрендә Екатеринбург губернаһының Шата ауылында тыуа. Свердловск тау институтын тамалағандан һуң (1951) өлкән геолог, «Уралцветметразведка» тресының Баймаҡ геология-разведка партияһының баш инженеры; 1957—1962 йылдарҙа тематик партия начальнигы, 1968—1975 йылдарҙа Башҡортостан территориаль геология идаралығында баш геолог, 1962 йылдан — Геология институтында металдар бүлеге мөдире, 1975 йылдан — РСФСР Геология министрлығының минераль ресурстар идаралығы начальнигы урынбаҫары (Мәскәү), 1977 йылдан — Свердловск тау институтында файҙалы ҡаҙылмалар ятҡылығы геологияһы кафедраһы мөдире; 1986 йылдан — Рәсәй Фәндәр академияһының Урал бүлексәһендә Геология һәм геохимия институтының (Екатеринбург): мәғдән ятҡылыҡтары лабораторияһы мөдире, 1990—2003 йылдарҙа — баш ғилми хеҙмәткәре булып эшләй.

Фәнни-производство эшмәкәрлеге геологияны, Урал металлогенияһын өйрәнеү менән бәйле.

Маҡан, Подольск, Юбилейный баҡыр колчеданы ятҡылыҡтарын асыусы. Василий Александрович баҡыр мәғдәне, алтын һ. б. фараз һәм металлогеник карталар төҙөлгән. 200-ҙән ашыу фәнни эш авторы. РФ Хөкүмәтенең Фән һәм техника өлкәһендәге премияһы лауреаты (2004). II дәрәжә Ватан һуғышы1985), Ҡыҙыл Йондоҙ (1943), III дәрәжә Дан ордены (1944) менән наградланған.

• Закономерности размещения колчеданных месторождений на Южном Урале. М., 1977.
• Медноколчеданные месторождения Урала; в 3-х т. Свердловск, 1985—1992 (с соавторами).